Qaulılardı "birauızdan qoldauğa" ädettengen OSK müşeleri halıqaralıq wyımdar men şet memleketterdiñ bayqauşıların tirkeudi ayaqtauğa arnalğan brifingte. 4 qañtar 2021 jıl. Foto: OSK

10 qañtarğa belgilengen 10 mıñnan astam uçaskede ötetin mäjilis jäne mäslihat saylauın 400-ge juıq halıqaralıq bayqauşı baqılaydı. Bwl turalı düysenbi küni Ortalıq saylau komissiyası ökilderi habarladı. 

Sol küni keşkisin, 4 qañtarda sağat 18.00-de halıqaralıq bayqauşılardı tirkeu procesi ayaqtalğan. Aldağı saylaudı baqılaytın şeteldik bayqauşılardıñ sanı ötken mäjilis saylauına qarağanda äldeqayda az, eki esege kem. 2016 jılı 20 naurızda ötken parlamenttik saylauğa qatısuğa şetelder men halıqaralıq wyımdardan 817 baqılauşı akkredittelgen, al biıl 400-ge jeter-jetpes.

OSK-nıñ resmi deregine qarağanda, barlığı 398 halıqaralıq bayqauşınıñ 322-si – 10 halıqaralıq wyımnıñ atınan qatısadı: TMD parlamentaralıq assambleyası (48), TMD atqaru komiteti (179), Islam ıntımaqtastıq wyımı (4), EQIW demokratiyalıq instituttar men adam qwqığı byurosı (42), EQIW parlamenttik assambleyası (9), Şanhay ıntımaqtastıq wyımı (15), Türkitildi memleketter ıntımaqtastıq keñesi (7), Wjımdıq qauipsizdik şartı wyımınıñ parlamenttik assambleyası (7), Türkitildi elder parlamenttik assambleyası (9), Euroodaqtıñ Qazaqstandağı ökildigi (2). Odan özge, 31 memleketten (Iordaniya, Qırğızstan, Mal'div, Moldova, Türkiya, Äzirbayjan, Armeniya, Indoneziya, Özbekstan, Resey, Rumıniya, Ündistan, Filippin, Vengriya, Ispaniya, Norvegiya, Franciya, Şveycariya, Pol'şa, Çehiya, Italiya, Estoniya, Ukraina, Germaniya, Bel'giya, Palestina, Wlıbritaniya, Moñğoliya, Şveciya, Kanada, Finlyandiya) 76 bayqauşı qatısadı.

2019 jılğı prezident saylauında fal'sifikaciya faktileri turalı foto-video materialdar internette köptep tarağan soñ OSK ötken ayda ükimettik emes wyımdar men täuelsiz baqılauşılardıñ «qızmetin şekteytin» qaulı qabıldağan. Bwl azamattıq qoğam, belsendiler men qwqıq qorğauşılardıñ sınına wşıradı. Olar joğarğı sot pen bas prokuraturadan qaulınıñ küşin joyudı swrağan. Biliktiñ «täuelsiz tarmağı» sanalatın joğarğı sot  qaulığa baylanıstı tüsken 32 şağımdı «tehnikalıq talapqa say bolmauı sebepti» keri qaytarğan. Al saylau nauqanı tayap qaldı...

Osı jeksenbide ötetin sayasi oqiğağa «Nur Otan», «Aqjol», «Adal», «Auıl» jäne «Qazaqstan halıq partiyası» qatısadı. OSK mälimetinşe, bes partiya mäjilis saylauına – 312 kandidat (90 äyel, 222 er adam), mäslihatqa 832 kandidat wsınğan. Saylau OSK wyımdastıruımen 232 aymaqtıq saylau komissiya ökildik etetin 10 mıñnan astam saylau uçaskesinde ötedi.

"The Qazaq Times"