Körneki suret. Foto: inbusiness.kz

Qazaqstanda 10 jeltoqsan 836 adam koronavirusqa, 9 jeltoqsan 137 adam koronavirus pnevmoniyasına şaldıqqanı anıqtalğan. Qazir elde 25 709 adam (U07.1 nemese KVI+ boyınşa 13 818, U07.2 nemese KVI- boyınşa 11 891) auırıp jatır. 

#U07.1 Koronavirus PTR testi arqılı tabılğan jaña keysterdiñ eñ köbi – ŞQO (129), astana (118), Pavlodar (90), Almatı qalası (75), Qostanay jäne SQO (ärqaysı 72-den), SQO (72), SQO (68) oblıstarında. Ötken täulikte 841 adam auruınan ayğıp şıqqandar qatarında üyine jiberilgen, sonday-aq 9 adam ömirden ötken.

DenMin-niñ resmi mälimetinşe, emdelip jatqan 13 818 nauqastıñ 3862-si auruhanada. Tağı 9956 adam ambulatorlıq terapiyada. Olardıñ arasında 999 bala emdelip jatır. Qaraşanıñ soñğı dekadasınan beri auırıp jatqan balalar kürt köbeydi. 1 qırküyekten beri auırğan keminde 2539 oquşığa koronavirus  diagnozı qoyılğan.

Ahualı naşar 237 nauqastıñ arasında 32 adamnıñ jağdayı qattı qiındağan. Jäne 43 sırqat ökpeni jasandı jeldetu apparatımen tınıstap jatır.

#U07.2  Aldıñğı küni, yağni jeltoqsannıñ 9-ı koronavirus pnevmoniyasına jatatın 137 jağday jäne 4 ölim tirkelgen. Oğan qosa, särsenbi küni 4 nauqas köz jwmsa, 65 adam emdelip şıqqan.

Astana men Pavlodar oblısı «qızıl aymaqta» twr. SQO, ŞQO, Qostanay, Aqmola, Atırau oblıstarı men Almatı qalasındağı epidemiya ahualı «sarı aymaqta». Basqa öñirler jasıl aymaqta.

9 jeltoqsan densaulıq saqtau vice-ministri, bas memlekettik sanitar-därigeri Erlan Qiyasov Qazaqstanda koronavirus infekciyasın jwqtırudıñ şarıqtau kezeñi turalı jaña boljamın bölisken. Onıñ aytuınşa, ekinşi tolqınnıñ şarıqtau kezeñi 2021 jıldıñ qañtar jäne aqpan aylarına säykes keledi.

13 naurızdan beri COVID-19 infekciyasın jwqtırğandar qatarı 140 mıñğa juıqtap, 1 tamızdan bergi koronavirus pnevmoniyası 43,5 mıñnan asqan. DDSW mälimetinşe, Qazaqstanda auırğandardıñ sanı 180 mıñğa, al Wlttıq statistikada 183,5 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi. Pandemiya bastalğalı jalpı virus jwqqandardıñ 3292-si (KVI+ / U07.1 – 2121, KVI- / U07.2 – 462, ilespe aurulardan – 709) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 709 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qoğamda biılğı 256 mıñ pnevmoniya jağdayın esepke qospay, jalpı statistikanı «mausım-şilde qırğınan» keyin jürgize bastağan Ükimettiñ esebine kümänmen qaraytındar köbeygen.

"The Qazaq Times"