Koronavirus pandemiyasına baylanıstı engizilgen TJ rejimi kezindegi astana. 2020 jılğı 24 naurız. Foto: Reuters

Bügingi körsetkiş boyınşa astana jwqtıru qaupi joğarı sanalatın «qızıl» aymaqqa engeni habarlandı. Qazaqstanda 9 jeltoqsan 777 adam koronavirusqa, 8 jeltoqsan 159 adam koronavirus pnevmoniyasına şaldıqqanı anıqtalğan.

Koronavirus PTR testi arqılı tabılğan jaña keysterdiñ eñ köbi – astana (121), ŞQO (99), Pavlodar (98), Almatı qalası (74), Qostanay (73), SQO (72), SQO (68) oblıstarında. DenMin-niñ resmi mälimetinşe, emdelip jatqan 13 832 nauqastıñ 3762-si auruhanada. Tağı 10 070 adam ambulatorlıq terapiyada. Olardıñ arasında 1004 bala emdelip jatır. Qaraşanıñ soñğı dekadasınan beri auırıp jatqan balalar kürt köbeydi. 1 qırküyekten beri auırğan keminde 2539 oquşığa koronavirus  diagnozı qoyılğan.

Ahualı naşar 230 nauqastıñ arasında 41 adamnıñ jağdayı qattı qiındağan. Jäne 44 sırqat ökpeni jasandı jeldetu apparatımen tınıstap jatır.

Densaulıq saqtau ministrliginiñ beysenbidegi mälimetinşe, qalada reproduktivtik ölşem R sanı elordada 1,25-ke jetken. Aptalıq esepke say, 100 mıñ adamnıñ 51-i auırğan. Bwl eldegi eñ joğarı deñgeyde.

Sonımen qosa, Pavlodar oblısı «qızıl aymaqta» twr. SQO, ŞQO, Qostanay, Aqmola, Atırau oblıstarı men Almatı qalasındağı epidemiya ahualı «sarı aymaqta».

Basqa öñirler jasıl aymaqta. Qazaqstan twtasımen alğanda «sarı aumaq» deñgeyine ötken.

9 jeltoqsan densaulıq saqtau vice-ministri, bas memlekettik sanitar-därigeri Erlan Qiyasov Qazaqstanda koronavirus infekciyasın jwqtırudıñ şarıqtau kezeñi turalı jaña boljamın bölisken. Onıñ aytuınşa, ekinşi tolqınnıñ şarıqtau kezeñi 2021 jıldıñ qañtar jäne aqpan aylarına säykes keledi.

"The Qazaq Times"