بۇگىنگى كورسەتكىش بويىنشا استانا جۇقتىرۋ قاۋپى جوعارى سانالاتىن «قىزىل» ايماققا ەنگەنى حابارلاندى. قازاقستاندا 9 جەلتوقسان 777 ادام كوروناۆيرۋسقا، 8 جەلتوقسان 159 ادام كوروناۆيرۋس پنەۆمونياسىنا شالدىققانى انىقتالعان.
كوروناۆيرۋس پتر تەستى ارقىلى تابىلعان جاڭا كەيستەردىڭ ەڭ كوبى – استانا (121), شقو (99), پاۆلودار (98), الماتى قالاسى (74), قوستاناي (73), سقو (72), سقو (68) وبلىستارىندا. دەنمين-ءنىڭ رەسمي مالىمەتىنشە, ەمدەلىپ جاتقان 13 832 ناۋقاستىڭ 3762-ءسى اۋرۋحانادا. تاعى 10 070 ادام امبۋلاتورلىق تەراپيادا. ولاردىڭ اراسىندا 1004 بالا ەمدەلىپ جاتىر. قاراشانىڭ سوڭعى دەكاداسىنان بەرى اۋىرىپ جاتقان بالالار كۇرت كوبەيدى. 1 قىركۇيەكتەن بەرى اۋىرعان كەمىندە 2539 وقۋشىعا كوروناۆيرۋس دياگنوزى قويىلعان.
احۋالى ناشار 230 ناۋقاستىڭ اراسىندا 41 ادامنىڭ جاعدايى قاتتى قيىنداعان. جانە 44 سىرقات وكپەنى جاساندى جەلدەتۋ اپپاراتىمەن تىنىستاپ جاتىر.
دەنساۋلىق ساقتاۋ مينيسترلىگىنىڭ بەيسەنبىدەگى مالىمەتىنشە، قالادا رەپرودۋكتيۆتىك ولشەم R سانى ەلوردادا 1,25-كە جەتكەن. اپتالىق ەسەپكە ساي، 100 مىڭ ادامنىڭ 51-ءى اۋىرعان. بۇل ەلدەگى ەڭ جوعارى دەڭگەيدە.
سونىمەن قوسا، پاۆلودار وبلىسى «قىزىل ايماقتا» تۇر. سقو، شقو، قوستاناي، اقمولا، اتىراۋ وبلىستارى مەن الماتى قالاسىنداعى ەپيدەميا احۋالى «سارى ايماقتا».
باسقا وڭىرلەر جاسىل ايماقتا. قازاقستان تۇتاسىمەن العاندا «سارى اۋماق» دەڭگەيىنە وتكەن.
9 جەلتوقسان دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتار-دارىگەرى ەرلان قياسوۆ قازاقستاندا كوروناۆيرۋس ينفەكتسياسىن جۇقتىرۋدىڭ شارىقتاۋ كەزەڭى تۋرالى جاڭا بولجامىن بولىسكەن. ونىڭ ايتۋىنشا، ەكىنشى تولقىننىڭ شارىقتاۋ كەزەڭى 2021 جىلدىڭ قاڭتار جانە اقپان ايلارىنا سايكەس كەلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟