Belgili oligarh Bolat Ötemwratov. Foto: birsk.org

Bügin 9 jeltoqsanda «Vernıy kapital» kompaniyalar tobı BTA bank Bolat Ötemwratovtıñ üstinen tüsirgen şağımın qaytıp aluğa kelisti dep habarladı. «Osı kelisim boyınşa ağılşın sotınıñ Ötemwratov aktivterin bwğattau turalı bwyrığınıñ küşi joyıldı» dedi kompaniya ökilderi. Kompaniya habarlaması Informburo saytında jariyalandı.

Ötken aptada Wlıbritaniya sotı BTA bank şağımı negizinde Ötemwratovtıñ aktivterin bwğattağan. Aqparat boyınşa, «BTA» biznesmendi basqalarmen birge bankten wrlanğan aqşanı jasıruğa kömektesti dep ayıptağan.

Osı särsenbide jariyalanğan «Vernıy kapital» mälimdemesinde Bolat Ötemwratov pen BTA bank ökilderi arasında qwpiya kelisim jasalğanı, banktiñ sotqa tüsirgen şağımın qaytaruğa keliskeni jazılğan. Onda jauapker jaqtıñ Ötemwratov pen onımen baylanıstı adamdardıñ «bank aqşasın wrlau isine qatısı joqtığın däleldeytin» qwjattardı körsetuge uäde bergeni jäne kelisim jasalğanğa deyin keybir qwjattardıñ berilgeni jazılğan.

Osığan deyin «Vernıy kapital» mälimdeme taratıp, bwğattau turalı sot şeşimi  «jalğan qwjattar negizinde şığarıldı, sot şeşimin apellyaciyağa berdik» dep habarlağan.

Azattıq radiosınıñ habarlauınşa, «Ötemwratov aktivteriniñ bwğattan bosatılğanı» jaylı aqparattı «Vernıy kapitaldan» basqa äzirge eşkim taratqan joq.

WSJ gazetiniñ deregine qarağanda, ağılşın azamattıq sotı 13 qaraşa küni Ötemwratovqa tiesili  birneşe europalıq qarjı bankterindegi qarajattı, jartılay ielik etetin Ritz-Carlton qonaqüyleriniñ üş qaladağı (Mäskeu, Vena jäne Qazaqstan astanası) kompaniyaların, sonday-aq wlı ekeui qojalıq etetin Burger King fastfud meyramhanalar jelisiniñ qazaqstandıq franşizasın bwğattauğa şeşim şığarğan.

Ötemwratov 2006-2008 jıldarı sol kezdegi prezident Nazarbaevtıñ is basqaruşısı qızmetin atqarğan, keyin onıñ ştattan tıs keñesşisi mindetin atqarğan. Qazaqstandıq Forbes-tiñ bıltırğı reytinginde Bolat Ötemwratovtıñ jiğan-tergeni men mülki $2,07 mlrd köleminde bağalanğan. Amerikalıq basılımnıñ mälimetinşe, qazir 62 jastağı Ötemwratov 2,9 milliard dollar baylığımen älemniñ eñ auqattı adamdarınıñ qatarında 764-orında twr. Degenmen biznesmenniñ ökili Äbdirahmanova onıñ kapitalınıñ şınayı qwnı 3,2 milliard dollar ekenin ayttı dep jazadı WSJ. Oligarhtıñ tau-ken metallurgiya, mwnay-gaz jäne telekommunikaciya salalarındağı, sonımen qosa qarjılıq qızmetter, jıljımaytın mülik, media sektorda aktivteri bar.

"The Qazaq Times"