Foto: Tengrinews

Forbes Kazakhstan Qazaqstandağı eñ ıqpaldı 50 biznesmenniñ tizimin jariyaladı. Tizim boyınşa soñğı bes jılda tanımal biznesmender köşin bastap twrğan Bolat Ötemwratov ekinşi orınğa tüsti. 

Sonımen Qazaqstannıñ eñ ıqpaldı biznesmeni Timur Qwlıbaev boldı. Ol öziniñ biznestegi äriptesi, bes jıl boyı reytingte birinşi orında kelgen Bolat Ötemwratovtı ığıstırdı.  Timur Qwlıbaev birinşi orında alğaş ret bolıp otırğan joq. Ol Forbes Kazakhstan-nıñ 2011 jılğı reytinginde eñ aldıñğı orında bolğan.

Forbes Kazakhstan-nıñ biılğı tizimine jañadan bes adam qosıldı. Olar: Singapurda tirkelgen  Kusto Group transwlttıq kompaniyasınıñ iesi 41 jastağı Erkin Tätişev (№35), «Viraj servis Qarağandı» JŞS iesi, «QazenergoMaş Korporaciyası» negizin qalauşı  55 jastağı Erlan Nığmatulin (№39), Seimar Investment Group iesi jäne «Asadel Group» vençurlıq qorınıñ qatısuşısı 50 jastağı Marğwlan Seysenbaev (№45) jäne «Arkada» devoloper tobınıñ jetekşisi 51 jastağı Aleksey Nefedov (№46) pen  «Alageum» maşina jasau tobınıñ negizin qalauşı 58 jastağı Saydulla Qojabaev (№50) .

Bwdan bölek, bwrın tizimnen şığıp qalğan üş biznesmen reytingke qayta ilingen. Olar: Zhersu investiciya-öndiristik koorporaciyasınıñ negizin qalauşı, 49 jastağı Bauırjan Ospanov (№31), CATEK kompaniyası jäne «Circle Maritime Invest» keme qatınası kompaniyası ieleriniñ biri, 49 jastağı Sergey Kan (№38), sonday-aq, Tenge Oil&Gas iesi, «Tengri Bank» AQ direktorlar keñesiniñ törağası, 53 jastağı Timur Quanışev (№42).

Al bıltırğı jılı reytingte bolğan 8 adam -  Nwrjan Subhanberdin, Eduard Ogay, Orifdjon Şadiev, Nwrlan Tileubaev, Andrey Lavrent'ev, Vasiliy Rozinov, Almas Mıñbaev  jäne YAkov Chay biılğı tizimge kirgen joq.

Reytingke kirgen biznesmenderdiñ 46%-ı özderiniñ poziciyasın jaqsartsa, 34%-nıñ poziciyası tömendegen, 8%-ı saqtap qaldı, al 10%-ı tizimge jaña qosılğandar.

Ayta keteyik, elimizdegi aldıñğı orındı biznesmenderdiñ barlığı bilikpen tikeley baylanıstı jäne Qazaqstandağı iri mwnay orındarı men bank sektorınıñ ieleri. Al atalğan sektorlarda halıq qarjısınıñ bir böligi bar ekeni belgili.

“The Qazaq Times”