Foto: VVS

AQŞ kelesi jıldıñ basında Auğanstan men Iraktağı äskeriniñ sanın qısqartpaq.

Amerika Qorğanıs ministriniñ mindetin atqaruşı Krsitofer Miller mälimetinşe, josparğa say Uaşington Auğanstandağı jauıngerler sanın 4 jarım mıñnan 2 jarım mıñğa, al Iraktağı sarbazdarın 3 mıñnan 2 jarım mıñğa azaytpaq.

Şeşim prezident Donal'd Tramptıñ bwyırığına say qabıldanğan. Şeneunik bwl qadamnan Amerikanıñ strategiyalıq müddlerine eş nwqsan kelmeytinin aytadı. Alayda key respublikalıqtar men demokrattar Tramptıñ bastamasın sınğa alıp jatır. NATO basşısı Yens Stoltenberge te bwl iste asığıstıq qauipti degen pikirde.

2001 jılı 11 qırküyekte bolğan oqiğadan keyin, AQŞ ükimeti Usama ben Laden jetekşiligindegi «äl-Kaida» wyımına qarsı äskeri äreketke şeşim qabıldadı. Alğaşqı adımda AQŞ-tıñ 100 mıñnan astam äskeri Auğanstanğa kirdi. Alayda, bwl qadamnan keyin AQŞ ükimetine işki-sırtqı qısımdar artıp ketti. Köptegen adamdar ükimetke bwl qımbat äskeri äreketti toqtatuğa wsınıs tastadı.

2014 jıldıñ soñında, AQŞ-tıñ jetekşiligindegi Soltüstik Atlantikalıq Şart Wyımı Auğanstandağı Halıqaralıq Qauipsizdik Kömek küşi jedel missiyasın ayaqtadı. Auğanstannıñ qauipsizdik küşteri jattığuları men qwral-jabdıqtarmen qoldauğa oyıstı. Bastapqı josparğa säykes, Auğanstandağı AQŞ äskeriniñ sanı 2016 jıldıñ soñına qaray 1000 adamğa deyin qısqartılatın bolğan. Biraq bwl qısqartudı AQŞ-tıñ bwrınğı prezidenti birneşe ret bäseñdetip keldi.

"The Qazaq Times"