Uaşington Auğanstannan öz äskerin şığaruğa nietti. Bwl turalı AQŞ Memlekettik hatşısı Mayk Pompeo NBC agenttigine habarladı.

AQŞ Auğanstanda 18 jıldan beri äreket etip, memleketti reformalauğa barınşa atsalısqan. Degenmen, Qwrama ştattarınıñ Auğanstanda mäñgi qalatın oyı joq, — deydi Pompeo.

Biıl AQŞ pen «Taliban» radikaldı qozğalısı birneşe ret kelissöz jürgizip, Auğanstandağı jağdaydı retteudi talqılağan. Politico basılımınıñ mälimetinşe, tayauda ötken kezdesude taraptar eldegi şeteldik äskerdi şığaru boyınşa ortaq şeşimge kelgen.

Soñğı jıldarı Auğanstandağı jağday kürdeli bola tüsti. Süriya men Irakta jeñilis tapqan "Islam memleketi" terrorlıq wyımı auğan jerine köşe bastadı. Bwl Batıs Qıtay men Orta Aziyanı alañdattı. Auğanstanda DAIŞ soğıs bastasa bwl Ortalıq Aziya elderi üşin eñ bastı qauipke aynalatını bwğan deyin de aytılıp jür. Sol sebepti Auğanstan jağdayındağı qanday da bir özgeristerge nazar audaru mañızdı bolmaq.

"The Qazaq Times"