اقش كەلەسى جىلدىڭ باسىندا اۋعانستان مەن يراكتاعى اسكەرىنىڭ سانىن قىسقارتپاق.
امەريكا قورعانىس ءمينيسترىنىڭ مىندەتىن اتقارۋشى كرسيتوفەر ميللەر مالىمەتىنشە، جوسپارعا ساي ۋاشينگتون اۋعانستانداعى جاۋىنگەرلەر سانىن 4 جارىم مىڭنان 2 جارىم مىڭعا، ال يراكتاعى ساربازدارىن 3 مىڭنان 2 جارىم مىڭعا ازايتپاق.
شەشىم پرەزيدەنت دونالد ترامپتىڭ بۇيىرىعىنا ساي قابىلدانعان. شەنەۋنىك بۇل قادامنان امەريكانىڭ ستراتەگيالىق مۇددلەرىنە ەش نۇقسان كەلمەيتىنىن ايتادى. الايدا كەي رەسپۋبليكالىقتار مەن دەموكراتتار ترامپتىڭ باستاماسىن سىنعا الىپ جاتىر. ناتو باسشىسى يەنس ستولتەنبەرگە تە بۇل ىستە اسىعىستىق قاۋىپتى دەگەن پىكىردە.
2001 جىلى 11 قىركۇيەكتە بولعان وقيعادان كەيىن، اقش ۇكىمەتى ۋساما بەن لادەن جەتەكشىلىگىندەگى «ءال-كايدا» ۇيىمىنا قارسى اسكەري ارەكەتكە شەشىم قابىلدادى. العاشقى ادىمدا اقش-تىڭ 100 مىڭنان استام اسكەرى اۋعانستانعا كىردى. الايدا، بۇل قادامنان كەيىن اقش ۇكىمەتىنە ىشكى-سىرتقى قىسىمدار ارتىپ كەتتى. كوپتەگەن ادامدار ۇكىمەتكە بۇل قىمبات اسكەري ارەكەتتى توقتاتۋعا ۇسىنىس تاستادى.
2014 جىلدىڭ سوڭىندا، اقش-تىڭ جەتەكشىلىگىندەگى سولتۇستىك اتلانتيكالىق شارت ۇيىمى اۋعانستانداعى حالىقارالىق قاۋىپسىزدىك كومەك كۇشى جەدەل ميسسياسىن اياقتادى. اۋعانستاننىڭ قاۋىپسىزدىك كۇشتەرى جاتتىعۋلارى مەن قۇرال-جابدىقتارمەن قولداۋعا ويىستى. باستاپقى جوسپارعا سايكەس، اۋعانستانداعى اقش اسكەرىنىڭ سانى 2016 جىلدىڭ سوڭىنا قاراي 1000 ادامعا دەيىن قىسقارتىلاتىن بولعان. بىراق بۇل قىسقارتۋدى اقش-تىڭ بۇرىنعى پرەزيدەنتى بىرنەشە رەت باسەڭدەتىپ كەلدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟