Pentagon Auğanstanğa qatıstı strategiyasın özgerte me?

AQŞ Qorğanıs ministrligi Aq üy basşısı Donal'd Tramptıñ josparğa säykes Auğanstannan äskerlerdi tolıq şığaratının ayttı. Bwl turalı Pentagondağı derekközderge silteme jasağan NBC telekompaniyası habarladı.

Qorğanıs ministrliginde Auğanstannan äskerlerdi köşiru josparı äzirlenude. Telekompaniya atap ötkendey, Qorğanıs vedomstvosında amerikandıq äskeri qızmetşilerdi şığaru turalı bwyrıq Süriyamen bolğan jağday siyaqtı kütpegen jerden ötui mümkin. Sonımen qatar, Tramptıñ Süriyağa qatıstı is-äreketteri Auğanstanda jüzege asatın «bastı jospar» dep sanauğa boladı.

Bwğan deyin The New York Times gazeti AQŞ-tıñ Auğanstannan 2 mıñ äskerdi alıp şıqqanın habarladı. Basılım mälimetteri boyınşa, Auğanstandağı AQŞ pen NATO äskerleriniñ qolbasşısı general-leytenant Ostin Skott Miller osı eldegi äskerlerdiñ sanı şamamen 12 mıñ adamğa deyin qısqarğanın rastadı.

The New York Times atap ötkendey, Uaşington äzirşe AQŞ äskerin Auğanstannan şığarudı qarastıratın «Taliban» radikaldı qozğalısınıñ ökilderimen kelisimge kele almauına qaramastan jüzege aspaq.

Jeksenbide AQŞ Qorğanıs ministri Mark Esper Auğanstan prezidenti Aşraf Ganimen kezdesu barısında terrorizmmen küres jäne eki jaqtı qarım-qatınas mäselelerin talqılağan. Pentagon basşısınıñ aytuınşa, Qwrama Ştattardıñ Auğanstandağı äskerleri sanınıñ qısqaruı osı eldegi terroristik toptarmen küresuge ıqpal etedi.

Esteriñizge salayıq, 19 jeltoqsanda Tramp Süriya aumağınan AQŞ äskerin şığaruğa baylanıstı jarlıqqa qol qoyğan. Ol öziniñ bwl qadamın «Islam memleketi» terrorlıq wyımınıñ jeñilis tabuımen baylanıstırıp, AQŞ äskeriniñ bwdan äri Süriya aumağında qaluına eşqanday negiz joq ekendigin aytqan.

"The Qazaq Times"