Resey prezidenti Vladimir Putin. Foto: avatars.net

Memlekettik duma Resey prezidentiniñ jeke basına tiispeuge kepildik beretin zañ jobasın birinişi oqılımda maqwldadı. Bwl – Vladimir Putinniñ 2036 jılğa deyin bilik etuine mümkindik berip, qılmıstıq qudalaudan qwtqaradı. Demek, qazirgi prezident 84 jasqa deyin bilikte qala aladı.

Bwğan deyin memlekettik duma sonımen birge bwrınğı prezidentke ömir boyı senator boluğa rwqsat beretin zañ jobasın birinşi oqılımda maqwldağan. Bwl qızmetke kelgen adam da qılmıstıq qudalaudan qwtqaratın immunitetke ie boladı.

Memlekettik dumada üşinşi oqılımnan ötkennen keyin qwjat federaldıq keñeske jöneltiledi, odan äri qaray Putinge qol qoyuğa jiberiledi.

Reseyde 2008-2012 jıldar aralığında memleket basqarğan Dmitriy Medvedev qana bwrınğı prezident märtebesine ie.

Qazir Reseyde 2001 jılı qabıldanğan bwrınğı prezidenttiñ jeke basına tiispeu turalı zañ bar. Zañğa 1991 jılı 31 jeltoqsanda sol jıldarı prezidenttiñ mindetin atqaruşı bolğan Vladimir Putin Boris El'cin otstavkağa ketkennen keyin qol qoyğan.

Endi zañ jobası bwrınğı memleket basşısı men onıñ otbasın qılmıstıq nemese äkimşilik jauapkerşilikke tartuğa tıyım saludı qarastıradı. Qwjat boyınşa, olardı wstauğa, qamauğa aluğa, tintuge, tergeuge de bolmaydı. Tek «memleketke opasızdıqtıq jasadı» dep küdikke ilingen bwrınğı basşılar memlekettik duma, joğarğı sot, konstituciyalıq sottıñ maqwldauımen jazağa tartıluı mümkin.

"The Qazaq Times"