Foto: tengrinews.kz

Qazaqstannıñ bwrınğı densaulıq saqtau ministri Eljan Birtanov sot sankciyasımen qamauğa alındı. Bwl turalı Qarjı ministrligine qarastı qarjı monitoringi komiteti habarladı.

Komitettiñ habarlamasında: «Qazaqstan Respublikasınıñ Qarjı ministrligi Qarjı monitoringi komitetiniñ Ekonomikalıq tergeu qızmeti bwrınğı densaulıq saqtau ministri Eljan Birtanovqa qatıstı asa iri kölemde byudjet qarajatın ısırap etu faktisi boyınşa qılmıstıq isti tergep jatır.

Sot Birtanovqa qatıstı qamauda wstau bwltartpau şarasın sanciyaladı. Tergeu müddesine baylanıstı qosımşa aqparat jariyalanbaydı», – delingen.

Bwğan deyin eks-ministrdiñ cifrlandıruğa bölingen 526 million teñge qarjını talan-tarajğa saldı degen ayıppen küddikke ilingeni mälim bolğan.

Eljan Birtanov densaulıq saqtau ministrligin biıl 25 qañtardan 25 mausımğa deyin basqarıp, koronavirus küşeygen twsta otstavkağa ketken. Onıñ ornına el prezidenti Qasım-Jomart Toqaev Densaulıq saqtau ministri qızmetine Aleksey Coydı tağayındadı.

"The Qazaq Times"