قازاقستاننىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆ سوت سانكتسياسىمەن قاماۋعا الىندى. بۇل تۋرالى قارجى مينيسترلىگىنە قاراستى قارجى مونيتورينگى كوميتەتى حابارلادى.
كوميتەتتىڭ حابارلاماسىندا: «قازاقستان رەسپۋبليكاسىنىڭ قارجى مينيسترلىگى قارجى مونيتورينگى كوميتەتىنىڭ ەكونوميكالىق تەرگەۋ قىزمەتى بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىستى تەرگەپ جاتىر.
سوت بىرتانوۆقا قاتىستى قاماۋدا ۇستاۋ بۇلتارتپاۋ شاراسىن سانتسيالادى. تەرگەۋ مۇددەسىنە بايلانىستى قوسىمشا اقپارات جاريالانبايدى»، – دەلىنگەن.
بۇعان دەيىن ەكس-ءمينيستردىڭ تسيفرلاندىرۋعا بولىنگەن 526 ميلليون تەڭگە قارجىنى تالان-تاراجعا سالدى دەگەن ايىپپەن كۇددىككە ىلىنگەنى ءمالىم بولعان.
ەلجان ءبىرتانوۆ دەنساۋلىق ساقتاۋ مينيسترلىگىن بيىل 25 قاڭتاردان 25 ماۋسىمعا دەيىن باسقارىپ، كوروناۆيرۋس كۇشەيگەن تۇستا وتستاۆكاعا كەتكەن. ونىڭ ورنىنا ەل پرەزيدەنتى قاسىم-جومارت توقاەۆ دەنساۋلىق ساقتاۋ ءمينيسترى قىزمەتىنە الەكسەي تسويدى تاعايىندادى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى