Körneki suret. Foto: team29.org

Sıbaylas jemqorlıqqa qarsı is-qimıl agenttiginiñ qwramındağı birinşi departament tergeuşisi Daniyar Bekaydarov bağınıştı qızmetkerdiñ jemqorlığı üşin basşıların ostavkağa jiberu institutıgıñ jwmısı turalı bayandadı. 

«Tikeley bağınıştı qızmetkerlerdiñ jemqorlıq ayıbı boyınşa basşılardıñ jauapkerşiligi institutı normativtik twrğıda retteldi. Ol biılğı jıldıñ 9 ayında özinde tiimdi qwral ekenin däleldedi. Sayasi basşılardıñ otstavkağa ketuine qatıstı qarastırılıp otırğan kezeñde audandıq jäne oblıstıq deñgeydegi 9 äkim otstavkağa ketu turalı ötiniş berdi, 6 äkim jwmıstan şığarıldı», – dedi ol brifing barısında.

Mäselen, Sätbaev qalasınıñ äkimi Idırısovtıñ jäne Almatı oblısı Panfilov audanı äkimi Ömirälievtiñ otstavka turalı ötinişi jetekşilik taraptan  maqwldanbağan. Oblıs äkimderi olarğa «sögis» jariyaladı. Qaramağındağı qızmetkerleri jemqorlıq qılmıstı özgeristi engizuge deyin (2019 jılğı 10 jeltoqsan) jasağandıqtan, Sätbaev qalasınıñ äkimi otstavkağa ötiniş bermeuine de bolar edi.

«28 qırküyekte Qostanay oblısı Rudnıy qalasınıñ äkimi Ğayazov otstavkağa ketti. Ol bwl qızmetti 2011 jıldan beri atqarıp keledi. Bwğan deyin habarlanğanday (13 qırküyek) oğan tikeley bağınıştı Rudnıy qalası Qaşar kentiniñ äkimi Aldonğarovqa qatıstı ükim zañdı küşine engen bolatın. Sol sekildi Atırau oblısı Qwrmanğazı audanınıñ äkimi Nwrtaevtıñ otstavkağa ketu turalı ötinişi qaraluda. Onıñ orınbasarı Täjibaev sottaldı. 8 qırküyekte onıñ orınbasarı Täjibaevqa qatıstı ükim zañdı küşine endi. 5 is äli monitoringte», – dedi Bekaydarov.

Zañ küşine engenimen iri kölemde jemqorlıq küdigine ilikke lauazımdı twlğalar bäri birdey ornınan kete qoyğan joq. Sarapşılar men azamattıq qoğam belsendileri bwl tetiktiñ ömirşeñ emestigin, jay oyın şartına könbegenderdi «tazalauğa» arnalğan süzgi dep sanaydı. Saylaudı da, paraqor orınbasar üşin qızmetinen bosatu da äzirge tek auıl-audan äkimderine ğana «qoldanılıp» jatır.

“The Qazaq Times”