Eki aydan beri jurnalisterdiñ aldına şıqpay jürgen densaulıq saqtau ministri Aleksey Coy 1 qazan küngi onlayn brifingke qasına qazaqşağa jüyrik vice-ministri Ajar Ğiniyattı erte şıqtı. 2020 jıl 1 qazan. Foto: QR OKQ

Arada eki ayday uaqıt ötken soñ 1 qazan küni densaulıq saqtau ministri Ortalıq kommunikaciyalar qızmetinde Aleksey Coy orısşa men vice-ministr Ajar Ğiniyat qazaq tilinde tilşilerdiñ aldında arnayı mälimdeme jasadı.  

Densaulıq saqtau vice-ministri Ajar Ğiniyat keyingi eki ayda (tamız-qırküyek) JRVI-men tirkelgender sanı bıltırğa qarağanda 25%-ğa tömendegenin mälimdedi. Onıñ dereginşe, biıl tamızda 154 533 (bıltır tamızda 193 465), qırküyekte 263 775 (bıltır qırküyekte 378 267) jağday tirkelgen.

Ministrdiñ eski äriptesi, «mausım-şilde qırğınınıñ» däl ortasında tağayındalğan Ğiniyat  bügingi tañda elde 1955 mekeme barın, onıñ işinde 577 emhana jwmıs istep jatqanın aytadı.

Densaulıq saqtau vice-ministri Ajar Ğiniyat. 2020 jıl 1 qazan. Foto: QR OKQ

DenMin basşılığı emhanalarda qızmetkerler men pacientterge jağday jasauğa söz berdi. Endi auruhanalarda äleumettik qaşıqtıqtı saqtauğa arnalğan belgiler qoyılıp,  virustıñ bar-joğına baylanıstı las jäne taza aymaqtarğa bölinedi.Medqızmetkerler termometrlermen jäne arnayı qorğanış kiimderimen qamtamasız etilui tiis. Sonday-aq, körinetin jerlerde keluşiler men qaraluşılarğa arnalğan sanitarlıq tazartqıştar ornatıladı. COVID-19 küdigi bar nauqastar bölek bölimşelerde emdeletin boladı.

Ambulatoriyalıq-emhanalıq nauqastarda tınıs alu jetispeuşiligin erte anıqtau üşin emhanalarğa 25,5 mıñ impul'stik oksimetr beriledi, 3640 mobil'di top qauipti sanalatın sanat boyınşa qızmet etudi jalğastıradı. 550 jedel järdem tobı halıqtıñ 4 sanatına qızmet körsetude.

Josparlı qabıldau tärtibi boyınşa aldın ala jazılu arqılı jüzege asırıladı. Basqa-basqa tap qazirgi jağdayda Call-ortalığı, konsul'tativti ortalıqtar üzdiksiz jwmıs isteui kerek.

Küzgi-qısqı epidmausımda twmaudıñ aldın alu maqsatında äzirge emhanalarda auruı ıqtimal 931 mln adamğa vakcina egilgen. Bwl jalpı twmauğa qarsı vakcinanıñ 2,2 millionnan astam dozasınıñ 44%-ı. Äli jalğasıp jatır. Äleumettik osal toptardan özge sanattağı azamattar aqılı türde saldıra aladı.

DenMin-niñ qazaqşa söyley almaytın basşısı Aleksey Coyğa bayandamanıñ memlekettik tildegi nwsqasın müdirmey oqıp beretin Ajar Ğiniyat ünemi «kömektesedi». 2020 jıl 1 qazan. Foto: QR OKQ

Vice-ministr «220 mıñ jükti äyeldiñ 49 mıñğa juığı, yağni 22% vakcinaciyadan ötken, kem degende 40% jükti äyelderdi vakcinaciyalau josparlanğan» deydi.

DenMin küzgi ıqtimal tolqında JRVI, twmau jäne koronavirustı örşitpes üşin 1 mln adamğa ambulatoriyalıq däri-därmek tizimine säykes JRVI auruların emdeytin 5 däri (antibiotiktar, qızudı basatın däriler), qosımşa koronavirusqa qarsı 5 däri qorın dayındaptı.

Ministr men vice-ministrdiñ sözine qarağanda, kez kelgen pacient auruhanağa kedergisiz jatqızıluı üşin bügin jwqpalı aurularğa arnalğan 14 mıñnan astam tösek-orın, onıñ işinde 1142 (tolıq jabdıqtalğan) reanimaciyalıq tösek-orın äzirlengen. Qazirgi tañda jwqpalı aurular auruhanalarınıñ jüktemesi 12%. Bwdan bılay, JRVI, twmau jäne  koronavirus boluı mümkin barlıq nauqastar jwqpalı aurular auruhanasına jatqızılmaq.

Küzgi tolqınğa dayındıq rejiminde qazir 51 mıñ tösek qarastırılğan. Mwnıñ 5,5 mıñı reanimaciyalıq tösek, al 4 mıñı ÖJJA-men jabdıqtalğan. Qırküyek ayında 1,2 mıñ ökpeni jasandı jeldetu apparatı satıp alınğan. Jäne 22 mıñ tösek-orın ottegi qorımen qamtamasız etilgen.

Nauqastıñ qatar ne sozılmalı auruınıñ asqınuı, medicinalıq kömekke keş jüginui jäne öz betinşe emdelui sebepti jağdayı qiındap, anesteziologiya, reanimaciya jäne qarqındı terapiya bölimine auıstıruğa tura keletin körinedi. Qazirgi kezde jüzge tarta pacient intensivti bölimşede emdelip jatır.

Vice-ministr bir ayday berilmegen esebin bayandamasında jalğadı. Ol:

– Medicina mekemeleriniñ jwmısı jäne  josparlı stacionarlıq kömek tolıq qalpına keltirildi. Jedel järdem qızmetine qazirgi uaqıtta 1,4 mıñ brigada jwmıldırılğan, mwnıñ üşten bir böligi auıldarda (498). Künine orta eseppen 17 mıñ şaqıru tüsedi, onıñ 3,6%-ı joğarğı tınıs joldarınıñ virustıq infekciya belgileri boyınşa tirkeledi. Kovidke baylanıstı şaqırtu jağdayı aytarlıqtay azaydı. Mısalı, şildede künine ortaşa eseppen 3 mıñ, tamızda 1 mıñ, qırküyekte 500-700 qoñırau şalındı, – deydi ministr orınbasarı.

Jıljımalı medicinalıq şağın «emhana». Foto: QR OKQ

DenMin «mausım-şilde qırğınan» keyin qosımşa 807 jedel järdem köligin satıp alğan. Tağı 360 kölik memleket tarapınan satıp alınadı.

Qazirgi kezde şalğay jatqan auıldarda 49 jıljımalı medicinalıq kölik bar. Ministrlik mwnıñ jetispeytinin aytadı. Sondıqtan «prezidenttiñ tapsırmasımen 100 jıljımalı medicinalıq emhana satıp alınadı. Onda terapevt, pediatr därigerler pacientterdi qabıldaydı jäne tolıq tekseruden ötkizedi. Däri-därmek jetkizu mümkindigi bar şağın-klinikada COVID-19 anıqtau boyınşa barlıq tekseruler jürgizilip, taldaular alınadı».

Aleksey Coy men Ajar Ğiniyat  söz soñında el azamattarın sanitarlıq talaptar men profilaktika erejesin qatañ wstanuğa şaqırdı. Medicinalıq betperde tağıp, äleumettik araqaşıqtıqtı saqtap, qoldı jii sabındap juıp, ünemi antiseptik qwraldarın paydalanu kerek.

*Joğarıda körsetilgen derekter ministr Aleksey Coy men orınbasarı Ajar Ğiniyattıñ resmi bayandamasınan alınğan.

“The Qazaq Times”