1-15 qırküyek künderi 1112 adamğa koronavirus, sonday-aq 4350 adamğa koronavirus pnevmoniyası diagnozdarı qoyılğan.  Qırküyektiñ alğaşqı jartısında koronavirustan 86, koronavirus pnevmoniyasınan 40 qazaqstandıq qaytıs boldı.

1 tamız ben 11 qırküyek aralığında 29 mıñğa tarta qazaqstandıqtan koronavirus pnevmoniyası anıqtalıp, 318 adam ömirden ötken. Jiıntıq esepti taratıp aytsaq, altı aptanıñ işinde Almatı qalasında 2 771 adamnan koronavirus pnevmoniyası tabılğan jäne 56 adam osı aurudan qaytqan. DenMin jauabına säykes, özge öñirlerdegi ahual:

  • Aqmola oblısı – 894 nauqas / 29 ölim jağdayı;
  • Aqtöbe oblısı – 1 112 / 28;
  • Almatı oblısı – 1 439 / 46;
  • Atırau oblısı – 1 371 / 14;
  • BQO – 936 / 11;
  • Jambıl oblısı – 1 706 / 3;
  • Qarağandı oblısı – 2 006 / 25;
  • Qostanay oblısı – 2 774 / 12;
  • Qızılorda oblısı – 900 / 5;
  • Manğıstau oblısı – 865 / 3;
  • Pavlodar oblısı – 1 792 / 16;
  • SQO – 1 063 / 0;
  • Türkistan oblısı – 1 325 / 4;
  • ŞQO – 3 909 / 28;
  • Elorda – 3 398 / 21;
  • Şımkent– 666 / 17.

Ökiniştisi, Qazaqstanda koronavirus siyaqtı koronavirus pnevmoniyasınıñ aymaqtardağı taralu qarqını kün sayın jariyalanbaydı. Qay öñirden qanşa kisi ayıqqanı da jwmbaq. Nauqastardıñ äleumettik beynesi men qazirgi ahualı da belgisiz.

Respublikalıq elektrondıq densaulıq saqtau ortalığınıñ jedel mälimetteri boyınşa, biıl 1 qañtardan 3 tamızğa deyingi aralıqta pnevmoniyanıñ barlıq türimen  256 541 adam auırıp, 4 042 nauqas qaytıs bolğan. Bwlardıñ eşbiri koronavirustıñ jalpı statistikasına engizilmegen.

2019 jäne 2020 jıldarı 1 qañtar men 31 şilde aralığında pnevmoniyadan qaytıs bolğan qazaqstandıqtardıñ sanı (derek – DenMinniñ QT redakciyasına bergen jauap hatınan)

Jılı

I II III IV V VI VII

Jalpı

2019

326 352 313 245 270 274 253 2 033
2020 333 267 260 157 127 628 2 149

3 921

Aurulardıñ halıqaralıq jikteliminde J12-18 kodtarımen belgilenetin pnevmoniyanıñ barlıq türine 1 qañtar-31 şilde aralığında 225 mıñnan astam adam şaldığıp, 4 mıñğa juığı qaytıs bolğan. Nauqastar sanı bıltırğa qarağanda 3,3 esege, ölim körsetkişi 2 esege köp.

Biıl 1 qañtar men 31 şilde aralığında pnevmoniyağa şaldıqqandar men qaytıs bolğandardıñ sanı (derek – DenMinniñ QT redakciyasına bergen jauap hatınan)

2020

I II III IV V VI

VII

Jalpı

Auırğandar

19 074 18 492 15 229 8 120 4 907 32 724 156 840 255 386
Qaytıs bolğandar 333 267 260 157 127 628 2 149

3 921

Tamız ayınıñ basında DenMin basşısı Aleksey Coy men orınbasarı pandemiya kezinde kürt örşigen pnevmoniyadan koronavirustıq türin ajıratudı qiın ekenin aytıp, 256 mıñ keysti qayta qarauğa qwlıqsız ekenin bildirgen.

Joğarıda körsetilgen sandar tek resmi statistika. Alayda bwğan küdikpen qaraytın halıq ta, maman da köp. Şilde ayında otandıq jäne şeteldik joğarı sanattı därigerlerdiñ köbi Qazaqstandağı 200 mıñnan 2 millionğa deyingi adamnıñ virus jwqtırğanın aytqan.

"The Qazaq Times"