Bügin, 26 tamız Almatı qalasında birqatar qoğam qayratkerleri men belsendileriniñ qatısuında «EL men JER» respublikalıq qoğamdıq qozğalısı qwru jäne strategiyalıq josparların naqtılau turasındağı jinalıs ötti.  

«Kök-Töbe» şipajayınıñ saltanat zalın ötken jiınğa memleket jäne qoğam qayratkeri, sayasatker Baltaş Twrsımbaev, qoğam belsendisi, jurnalist Rısbek Sersenbaev, rejisser Erkin Raqışov qatarlı ondağan belsendi azamattar qatıstı.

Qoğam belsendileri bwl şaranı Qazaq eliniñ wlttıq şekarası anıqtalıp, belgilengenine 100 jıl toluına oray ötkizgen. Şara barısında «EL men JER» qoğamdıq qozğalısı qwrılıp, qozğalıs jetekşisi retinde memleket jäne qoğam qayratkeri, sayasatker Baltaş Twrsımbaev saylandı.

Jiınğa qatısuşılardıñ mälimdemesinde, qoğamdıq qozğalıstıñ bastı maqsatı «qazaq jerin qorğau» ekenin basa ayttı. Qozğalıs 2016 jılı jer turalı zañğa jariyalanğan moratoriya merziminiñ toluına, jaña zañ jobasın wsınuğa at salısu jäne «Alatau» wlttıq parkiniñ satıluına qarsı şaralardı alıp baratını belgili boldı.

Şara soñında qozğalıs jetekşisi wyımnıñ jarğısın dayındauğa tapsırmalar berdi. Qoğam belsendileri birauızdan «Jerdi qorğau» üşin at salısatındarın jetkizdi.

"The Qazaq Times"