بۇگىن، 26 تامىز الماتى قالاسىندا بىرقاتار قوعام قايراتكەرلەرى مەن بەلسەندىلەرىنىڭ قاتىسۋىندا «ەل مەن جەر» رەسپۋبليكالىق قوعامدىق قوزعالىسى قۇرۋ جانە ستراتەگيالىق جوسپارلارىن ناقتىلاۋ تۋراسىنداعى جينالىس ءوتتى.  

«كوك-توبە» شيپاجايىنىڭ سالتانات زالىن وتكەن جيىنعا مەملەكەت جانە قوعام قايراتكەرى، ساياساتكەر بالتاش تۇرسىمباەۆ، قوعام بەلسەندىسى، جۋرناليست رىسبەك سەرسەنباەۆ، رەجيسسەر ەركىن راقىشوۆ قاتارلى ونداعان بەلسەندى ازاماتتار قاتىستى.

قوعام بەلسەندىلەرى بۇل شارانى قازاق ەلىنىڭ ۇلتتىق شەكاراسى انىقتالىپ، بەلگىلەنگەنىنە 100 جىل تولۋىنا وراي وتكىزگەن. شارا بارىسىندا «ەل مەن جەر» قوعامدىق قوزعالىسى قۇرىلىپ، قوزعالىس جەتەكشىسى رەتىندە مەملەكەت جانە قوعام قايراتكەرى، ساياساتكەر بالتاش تۇرسىمباەۆ سايلاندى.

جيىنعا قاتىسۋشىلاردىڭ مالىمدەمەسىندە، قوعامدىق قوزعالىستىڭ باستى ماقساتى «قازاق جەرىن قورعاۋ» ەكەنىن باسا ايتتى. قوزعالىس 2016 جىلى جەر تۋرالى زاڭعا جاريالانعان موراتوريا مەرزىمىنىڭ تولۋىنا، جاڭا زاڭ جوباسىن ۇسىنۋعا ات سالىسۋ جانە «الاتاۋ» ۇلتتىق پاركىنىڭ ساتىلۋىنا قارسى شارالاردى الىپ باراتىنى بەلگىلى بولدى.

شارا سوڭىندا قوزعالىس جەتەكشىسى ۇيىمنىڭ جارعىسىن دايىنداۋعا تاپسىرمالار بەردى. قوعام بەلسەندىلەرى ءبىراۋىزدان «جەردى قورعاۋ» ءۇشىن ات سالىساتىندارىن جەتكىزدى.

"The Qazaq Times"