Körneki suret: Resey prezidenti Vladimir Putin jäne Ukraina basşısı Vladimir Zelenskiy. Foto: https://eadaily.com

Ukraina prezidenti Vladimir Zelenskiy Qırımdı el qwramına qosudı josparlap jürgenin mälimdedi.

Euronews telearnasına swhbat bergen ol: «Qırımdı qaytaramız. Biraq bwl mäseleni talqılau üşin mañızdı jäne tiimdi alañ joq. Altı jıl işinde bwl mäseleni köteru üşin berik platforma jasalmadı. Ukrainanıñ halıqaralıq seriktesteri Reseyge sankciya salumen ğana şektelip qaldı. Bwl mäselede naqtı platforma qajet», – dedi.

Sonımen qatar Zelenskiy «Normand formatında» barlıq nazar Donbastağı qaqtığıstı şeşuge arnalıp, Qırım  taqırıbı keyinge şegerilip otırğanın ayttı. Ukraina prezidentiniñ aytuınşa, Qırım men Donbass mäseleleri birdey. Negizgi ayırmaşılıq – Qırımda beybit twrğındardıñ köp qaza boluında.

Bıltır jeltoqsanda Parijde ötken jiında Germaniya, Franciya, Ukraina men Resey basşıları Qırım mäselesin talqılağan bolatın. Jiında Zelenskiy Ukraina – unitarlı memleket bolğandıqtan federalizaciya turalı söz boluı mümkin emestigin jäne Ukrainanıñ damuı men bolaşağına sırttan eşkimniñ ıqpal etuine jol berilmeytinin ayttı.

«Ukraina – täuelsiz, derbes, demokratiyalıq memleket, onıñ damu jolın tek qana halıq tañdaydı. Tağı bir mäsele, Ukrainanıñ şığısındağı jağdaydı eldiñ halıqaralıq qauımdastıq tanığan aumağınan jer beru esebinen retteu jaylı mämile boluı mümkin emes. Ärbir ukrain üşin Donbass ta, Qırım da – Ukraina ekenin barşamız bilemiz», – degen.

2014 jılı naurızda Ukraina qwramındağı Qırım tübeginde Resey küşteriniñ baqılauımen «referendum» ötip, onıñ qorıtındısı boyınşa "halıqtıñ 93 payızı avtonomiyalı respublikanıñ Ukrainadan bölinip, Reseyge qosıluın jaqtağanı" jariyalanğan. Mäskeu Qırım tübegin anneksiyalap, Resey federaciyasınıñ qwramındağı sub'ekt dep tanığan. Sol jılı säuirde Ukrainanıñ Doneck jäne Lugansk oblıstarında reseyşil separatister men Ukraina äskeri arasında qarulı qaqtığıs bastalğan. Sodan beri ol soğısta 13 mıñnan astam adam qaza tapqan.

Batıs elderi Reseydiñ Ukrainağa qatıstı is-äreketin ayıptağan. Resey Donbastağı qaqtığısqa qatısı barın joqqa şığaradı.

"The Qazaq Times"