Körneki suret-kollaj. Foto: "Krasnaya vesna" AA

Qazaqstanda pandemiya kezinde qızmeti barısında virus jwqtırğan jäne  pnevmoniyağa şaldıqqan 899 medicina qızmetkerine MÄSQ-dan 2 mln teñge köleminde (ärqaysına – QT) ötemaqı tölengen.

Eñbek jäne halıqtı äleumettik qorğau ministrliginiñ äleumettik jelide jariyalağan resmi mälimetine qarağanda, virustıñ kesirinen ömirden ötken 3 därigerdiñ otbasına 10 mln teñgeden birjolğı tölem jasalğan. Biraq bwl ötken jwmadan beri jañarmağan eski derek.

«Joğarıda atalğan tölem tölenetin medicina qızmetkerlerin öñirlerdiñ jäne respublikalıq mañızı bar qalalardıñ densaulıq saqtau basqarmaları janındağı arnayı komissiyalar auırğan medicina qızmetkerlerin tekseru nätijeleri negizinde anıqtaydı.Ötinimderdiñ jinaqtaudı QR Densaulıq saqtau ministrligi jüzege asıradı, odan keyin ötinimder elektrondıq is maketterin qalıptastıru üşin «Azamattarğa arnalğan ükimet» memlekettik korporaciyası» KEAQ-qa beriledi, keyin tölem tağayındau üşin MÄSQ-ğa jiberiledi», – delingen resmi habarlamada.

Tölem alğan medicina mamandarınıñ 120-sı – elordadan, 85-i – Almatı oblısınan, 84-i – Almatıdan. Sonday-aq, Aqmola men BQO öñirlerinen – 80 jäne 67 medqızmetkerge birjolğı ötemaqı berilgen.

3 tamız küni OrtKomda ötken brifingte densaulıq saqtau vice-ministri Ajar Ğiniyat koronavirus jwqtırğan medicina qızmetkerleriniñ sanı 8 518-ge jetkenin mälimdegen.

Qoldanıstağı zañ boyınşa ötemaqı jwmıs babında virus jwqtırğandarğa ğana beriledi: koronavirus ne kovidtik pnevmoniyağa şaldıqsa 2 mln, al osı aurulardıñ kesirinen qaytıs bolsa 10 mln teñge.

Degenmen därigerler men el azamattarınıñ eñ köp auırğan şağı «mausım-şilde qırğınında» da, odan bwrın köktem kezinde de köptegen kadrlardıñ diagnozı jay pnevmoniya retinde tirkelgen. Qañtar-tamız aralığında pnevmniyamen auırğan, bıltırğıdan 3,3 esege artıq 255 mıñ nauqastıñ arasındağı eşbir medqızmetkerge ötemaqı tölenbep edi. Oğan qosa, Qazaqstan biligi indet qarqını bäseñdegen soñ 1 tamızdan bastap qana kovidtik pnevmoniyanı resmi pandemiya esebine ala bastadı. Mwnımen kelispeytin mamandar men sarapşılar az emes.

"The Qazaq Times"