Qazaqstanda bwğan deyin koronavirus jwqtırğandardıñ aymaqtardağı körsetkişi kündelikti jariyalansa da, biraq koronavirustıq pnevmoniyağa şaldıqqandardıñ sanı tek jalpılay aytılıp kelgen. Endi... 

Densaulıq saqtau ministri Aleksey Coy 3 tamız küni ötkizgen brifingte KVI- nemese U07.2 kodımen belgilenetin koronavirustıq pnevmoniyanıñ aymaqtardağı körsetkişin sol aptada-aq jiktep jariyalauğa uäde bergen. Äytse de ministr sözi BAQ ökilderi men redakciyanıñ qayta-qayta swrauınan üş jarım apta ötken soñ iske astı.

DenMin janınan qwrılğan Aqparattıq-media ortalığı QT saualına jauap berdi.

«Sizdiñ koronavirustıq infekciya boyınşa derekterdi jariyalauğa qatıstı swrığıñız nazarğa alındı jäne ağımdağı jıldıñ 27 tamızınan bastap öñirler bölinisinde koronavirustıq pnevmoniya boyınşa derekter kün sayın twraqtı negizde jariyalanatın boladı», – delingen resmi jauap hatta.

Sonday-aq, vedomstvo 25 tamız küni tirkelgen kovidtik pnevmoniya nauqastarınıñ aymaqtıq atlasın wsındı:

Derekterdi swratıp, dayındağan The Qazaq Times redakciyası

Derekterdi swratıp, dayındağan The Qazaq Times redakciyası

Respublika boyınşa ötken küni 781 nauqas / 8 ölim jağdayı bolğan.

Onıñ işinde:

  • Aqmola oblısında – 20 / 1;
  • Aqtöbe oblısında –  21 / 1;
  • Almatı oblısında – 38 / 1;
  • Atırau oblısında – 10 / 0;
  • Batıs Qazaqstan oblısında – 40 / 0;
  • Jambıl oblısında – 23 / 0;
  • Qarağandı oblısında – 34 / 0;
  • Qostanay oblısında – 88 / 0;
  • Qızılorda oblısında – 2 / 0;
  • Manğıstau oblısında – 14 / 0;
  • Pavlodar oblısında – 57 / 0;
  • Soltüstik Qazaqstan oblısında – 27 / 0;
  • Türkistan oblısında – 58 / 0;
  • Şığıs Qazaqstan oblısında – 118 / 2;
  • Astanada – 101 / 0;
  • Almatı qalasında – 114 / 0;
  • Şımkent qalasında – 16 / 2.

1 tamızdan bastap koronavirustıq pnevmoniyamen jalpı esebi 23 543 auırıp / 268 adam qaytıs boldı.

Onıñ işinde:

  • Aqmola oblısında – 727 / 24;
  • Aqtöbe oblısında –  818 / 23;
  • Almatı oblısında – 1 202 / 36;
  • Atırau oblısında – 1288 / 12;
  • Batıs Qazaqstan oblısında – 743 / 9;
  • Jambıl oblısında – 1 570 / 3;
  • Qarağandı oblısında – 1743 / 20;
  • Qostanay oblısında – 2 342 / 12;
  • Qızılorda oblısında – 886 / 5;
  • Manğıstau oblısında – 812 / 3;
  • Pavlodar oblısında – 1 475 / 14;
  • Soltüstik Qazaqstan oblısında – 823 / 0;
  • Türkistan oblısında – 939 / 4;
  • Şığıs Qazaqstan oblısında – 3 047 / 26;
  • Astanada – 2 547 / 19;
  • Almatı qalasında – 2 023 / 42;
  • Şımkent qalasında – 557 / 16.

Bwl esep saytımızda jarıq körgenimen, Densaulıq saqtau ministrliginiñ internet resurstarında äli jariyalana qoyğan joq.

Pandemiya turalı eldegi bastı resurs, Memlekettik ştabtıñ www.coronavirus2020.kz saytında jariyalanğan 25 tamız küngi koronavirustıq pnevmoniyanıñ esebinde aymaqtar bölinisi körsetilmegen. Foto: www.coronavirus2020.kz saytınan skrin-qiındı

https://qazaqtimes.com/article/79430

"The Qazaq Times"