قازاقستاندا بۇعان دەيىن كوروناۆيرۋس جۇقتىرعانداردىڭ ايماقتارداعى كورسەتكىشى كۇندەلىكتى جاريالانسا دا، بىراق كوروناۆيرۋستىق پنەۆمونياعا شالدىققانداردىڭ سانى تەك جالپىلاي ايتىلىپ كەلگەن. ەندى... 

دەنساۋلىق ساقتاۋ ءمينيسترى الەكسەي تسوي 3 تامىز كۇنى وتكىزگەن بريفينگتە كۆي- نەمەسە U07.2 كودىمەن بەلگىلەنەتىن كوروناۆيرۋستىق پنەۆمونيانىڭ ايماقتارداعى كورسەتكىشىن سول اپتادا-اق جىكتەپ جاريالاۋعا ۋادە بەرگەن. ايتسە دە مينيستر ءسوزى باق وكىلدەرى مەن رەداكتسيانىڭ قايتا-قايتا سۇراۋىنان ءۇش جارىم اپتا وتكەن سوڭ ىسكە استى.

دەنمين جانىنان قۇرىلعان اقپاراتتىق-مەديا ورتالىعى QT ساۋالىنا جاۋاپ بەردى.

«ءسىزدىڭ كوروناۆيرۋستىق ينفەكتسيا بويىنشا دەرەكتەردى جاريالاۋعا قاتىستى سۇرىعىڭىز نازارعا الىندى جانە اعىمداعى جىلدىڭ 27 تامىزىنان باستاپ وڭىرلەر بولىنىسىندە كوروناۆيرۋستىق پنەۆمونيا بويىنشا دەرەكتەر كۇن سايىن تۇراقتى نەگىزدە جاريالاناتىن بولادى»، – دەلىنگەن رەسمي جاۋاپ حاتتا.

سونداي-اق، ۆەدومستۆو 25 تامىز كۇنى تىركەلگەن كوۆيدتىك پنەۆمونيا ناۋقاستارىنىڭ ايماقتىق اتلاسىن ۇسىندى:

دەرەكتەردى سۇراتىپ، دايىنداعان The Qazaq Times رەداكتسياسى

دەرەكتەردى سۇراتىپ، دايىنداعان The Qazaq Times رەداكتسياسى

رەسپۋبليكا بويىنشا وتكەن كۇنى 781 ناۋقاس / 8 ءولىم جاعدايى بولعان.

ونىڭ ىشىندە:

  • اقمولا وبلىسىندا – 20 / 1;
  • اقتوبە وبلىسىندا –  21 / 1;
  • الماتى وبلىسىندا – 38 / 1;
  • اتىراۋ وبلىسىندا – 10 / 0;
  • باتىس قازاقستان وبلىسىندا – 40 / 0;
  • جامبىل وبلىسىندا – 23 / 0;
  • قاراعاندى وبلىسىندا – 34 / 0;
  • قوستاناي وبلىسىندا – 88 / 0;
  • قىزىلوردا وبلىسىندا – 2 / 0;
  • مانعىستاۋ وبلىسىندا – 14 / 0;
  • پاۆلودار وبلىسىندا – 57 / 0;
  • سولتۇستiك قازاقستان وبلىسىندا – 27 / 0;
  • تۇركىستان وبلىسىندا – 58 / 0;
  • شىعىس قازاقستان وبلىسىندا – 118 / 2;
  • استانادا – 101 / 0;
  • الماتى قالاسىندا – 114 / 0;
  • شىمكەنت قالاسىندا – 16 / 2.

1 تامىزدان باستاپ كوروناۆيرۋستىق پنەۆمونيامەن جالپى ەسەبى 23 543 اۋىرىپ / 268 ادام قايتىس بولدى.

ونىڭ ىشىندە:

  • اقمولا وبلىسىندا – 727 / 24;
  • اقتوبە وبلىسىندا –  818 / 23;
  • الماتى وبلىسىندا – 1 202 / 36;
  • اتىراۋ وبلىسىندا – 1288 / 12;
  • باتىس قازاقستان وبلىسىندا – 743 / 9;
  • جامبىل وبلىسىندا – 1 570 / 3;
  • قاراعاندى وبلىسىندا – 1743 / 20;
  • قوستاناي وبلىسىندا – 2 342 / 12;
  • قىزىلوردا وبلىسىندا – 886 / 5;
  • مانعىستاۋ وبلىسىندا – 812 / 3;
  • پاۆلودار وبلىسىندا – 1 475 / 14;
  • سولتۇستiك قازاقستان وبلىسىندا – 823 / 0;
  • تۇركىستان وبلىسىندا – 939 / 4;
  • شىعىس قازاقستان وبلىسىندا – 3 047 / 26;
  • استانادا – 2 547 / 19;
  • الماتى قالاسىندا – 2 023 / 42;
  • شىمكەنت قالاسىندا – 557 / 16.

بۇل ەسەپ سايتىمىزدا جارىق كورگەنىمەن، دەنساۋلىق ساقتاۋ مينيسترلىگىنىڭ ينتەرنەت رەسۋرستارىندا ءالى جاريالانا قويعان جوق.

پاندەميا تۋرالى ەلدەگى باستى رەسۋرس، مەملەكەتتىك شتابتىڭ www.coronavirus2020.kz سايتىندا جاريالانعان 25 تامىز كۇنگى كوروناۆيرۋستىق پنەۆمونيانىڭ ەسەبىندە ايماقتار ءبولىنىسى كورسەتىلمەگەن. فوتو: www.coronavirus2020.kz سايتىنان سكرين-قيىندى

https://qazaqtimes.com/article/79430

"The Qazaq Times"