DDSW-nıñ bas ştab päteri ornalasqan ğimarat. Foto: Reuters

Halıqaralıq wyım taratqan habarğa qarağanda, mwnday jağday sirek kezdespeydi.

DDSW Gonkong siyaqtı birqatar elderde viruspen qayta auırğan nauqastardıñ jağdayı boyınşa mälimdeme jasadı.

«Osığan deyin biz testterdiñ bastapqıda körsetpey, keyinnen virus ştamın anıqtağanı turalı habarlağan edik. Bügingi tañğa şeyin koronavirustı qayta jwqtıru testke baylanısı bar-joğı belgisiz bolıp keldi. Degenmen erekşe ekpin tüsirip aytatın twsı – qayta jwqtıru jağdayı öte sirek kezdesetin jayt. Gonkongtağı keysti jiti baqılauğa aldıq. Qayta jwqtıru turalı qwjattandıru-zerdeleu jwmısı bastalıp ketti», – dep mälimdedi DDSW ökili Margaret Harris.

25 tamız küni Gonkongta 33 jastağı nauqastıñ koronavirus infekciyasın qayta jwqtıru faktisi tirkelgen. The University of Hong Kong zertteuşileri tört ay bwrın Ispaniyada auırıp-ayıqqan er adam Gonknongqa oralğan soñ türlengen basqa ştammen qayta auırğanın habarladı. Ğalımdardıñ aytuınşa, antidene uaqıt öte kele birneşe aydan keyin älsireytin körinedi. Onıñ üstine virus ştamı är aymaqta ärtürli boluı mümkin eken.

Reseydiñ Densaulıq saqtau ministrliginiñ bas infekcionisi Vladimir Çulanov  qayta auırğan nauqastardıñ barın rastadı. Al Qazaqstan Ükimeti bwl turalı (birneşe ret qoyılğan) swraqqa müldem tirkelmegenin habarlağan.

"The Qazaq Times"