ددسۇ ۆيرۋستىڭ قايتا جۇعاتىنىن راستادى، بىراق...

حالىقارالىق ۇيىم تاراتقان حابارعا قاراعاندا، مۇنداي جاعداي سيرەك كەزدەسپەيدى.

ددسۇ گونكونگ سياقتى بىرقاتار ەلدەردە ۆيرۋسپەن قايتا اۋىرعان ناۋقاستاردىڭ جاعدايى بويىنشا مالىمدەمە جاسادى.

«وسىعان دەيىن ءبىز تەستتەردىڭ باستاپقىدا كورسەتپەي، كەيىننەن ۆيرۋس شتامىن انىقتاعانى تۋرالى حابارلاعان ەدىك. بۇگىنگى تاڭعا شەيىن كوروناۆيرۋستى قايتا جۇقتىرۋ تەستكە بايلانىسى بار-جوعى بەلگىسىز بولىپ كەلدى. دەگەنمەن ەرەكشە ەكپىن ءتۇسىرىپ ايتاتىن تۇسى – قايتا جۇقتىرۋ جاعدايى وتە سيرەك كەزدەسەتىن جايت. گونكونگتاعى كەيستى ءجىتى باقىلاۋعا الدىق. قايتا جۇقتىرۋ تۋرالى قۇجاتتاندىرۋ-زەردەلەۋ جۇمىسى باستالىپ كەتتى»، – دەپ مالىمدەدى ددسۇ وكىلى مارگارەت حارريس.

25 تامىز كۇنى گونكونگتا 33 جاستاعى ناۋقاستىڭ كوروناۆيرۋس ينفەكتسياسىن قايتا جۇقتىرۋ فاكتىسى تىركەلگەن. The University of Hong Kong زەرتتەۋشىلەرى ءتورت اي بۇرىن يسپانيادا اۋىرىپ-ايىققان ەر ادام گونكنونگقا ورالعان سوڭ تۇرلەنگەن باسقا شتاممەن قايتا اۋىرعانىن حابارلادى. عالىمداردىڭ ايتۋىنشا، انتيدەنە ۋاقىت وتە كەلە بىرنەشە ايدان كەيىن السىرەيتىن كورىنەدى. ونىڭ ۇستىنە ۆيرۋس شتامى ءار ايماقتا ءارتۇرلى بولۋى مۇمكىن ەكەن.

رەسەيدىڭ دەنساۋلىق ساقتاۋ مينيسترلىگىنىڭ باس ينفەكتسيونيسى ۆلاديمير چۋلانوۆ  قايتا اۋىرعان ناۋقاستاردىڭ بارىن راستادى. ال قازاقستان ۇكىمەتى بۇل تۋرالى (بىرنەشە رەت قويىلعان) سۇراققا مۇلدەم تىركەلمەگەنىن حابارلاعان.

"The Qazaq Times"