Auruhana dälizindegi jıljımalı tösek. Foto: aşıq derekköz

Ötken küni Qazaqstanda koronavirus jwqtırğan 175, kovidtik pnevmoniyağa şaldıqqan 84 adam anıqtaldı.

Densaulıq saqtau ministrliginiñ mälimetinşe, 24 tamız küni koronavirustan 13, virustıñ kesirinen ökpesi qabınğan 2 qazaqstandıq qaytıs bolğan.

Diagnozı zerthanada PTR arqılı naqtılanğan koronavirus nauqastarınıñ sanı 105 mıñğa juıqtadı. Tap qazirgi tañda 10 597 qazaqstandıq emdelip jatır, onıñ jartısı auruhanada, qalğanı ambulatorlıq baqılauda körinedi. Sonday-aq, virus ştamı anıqtalğan 309 adamnıñ jağdayı naşarlağan, al 70 nauqastıñ ahualı qatı auırlağan. 50 qazaqstandıq ÖJJA qwrılğısına qosılğan.

Ay bastalğalı COVID-19 klinikası bar 22 744 pnevmoniya, 258 ölim jağdayı tirkeldi. Resmi statistikağa sensek, osı uaqıt aralığında auırğandardıñ 4519-ı ayığıp ülgergen.

Jaña formatqa köşken DenMin esebi boyınşa, pandemiya kezinde indetten 1781 adam qaytıs bolğan. Biraq sonıñ 793-i tek tamız ayında tirkelgen.

"The Qazaq Times"