اۋرۋحانا دالىزىندەگى جىلجىمالى توسەك. فوتو: اشىق دەرەككوز

وتكەن كۇنى قازاقستاندا كوروناۆيرۋس جۇقتىرعان 175, كوۆيدتىك پنەۆمونياعا شالدىققان 84 ادام انىقتالدى.

دەنساۋلىق ساقتاۋ مينيسترلىگىنىڭ مالىمەتىنشە, 24 تامىز كۇنى كوروناۆيرۋستان 13, ۆيرۋستىڭ كەسىرىنەن وكپەسى قابىنعان 2 قازاقستاندىق قايتىس بولعان.

دياگنوزى زەرتحانادا پتر ارقىلى ناقتىلانعان كوروناۆيرۋس ناۋقاستارىنىڭ سانى 105 مىڭعا جۋىقتادى. تاپ قازىرگى تاڭدا 10 597 قازاقستاندىق ەمدەلىپ جاتىر، ونىڭ جارتىسى اۋرۋحانادا، قالعانى امبۋلاتورلىق باقىلاۋدا كورىنەدى. سونداي-اق، ۆيرۋس شتامى انىقتالعان 309 ادامنىڭ جاعدايى ناشارلاعان، ال 70 ناۋقاستىڭ احۋالى قاتى اۋىرلاعان. 50 قازاقستاندىق ءوججا قۇرىلعىسىنا قوسىلعان.

اي باستالعالى COVID-19 كلينيكاسى بار 22 744 پنەۆمونيا، 258 ءولىم جاعدايى تىركەلدى. رەسمي ستاتيستيكاعا سەنسەك، وسى ۋاقىت ارالىعىندا اۋىرعانداردىڭ 4519-ى ايىعىپ ۇلگەرگەن.

جاڭا فورماتقا كوشكەن دەنمين ەسەبى بويىنشا، پاندەميا كەزىندە ىندەتتەن 1781 ادام قايتىس بولعان. بىراق سونىڭ 793-ءى تەك تامىز ايىندا تىركەلگەن.

"The Qazaq Times"