Ündistannıñ Bangalor aymağında mwsılmandardıñ narazılıq şarası policiyamen qaqtığısqa wlastı. Mwsılmandardıñ narazılıq ereuiline äleumettik jelidegi Mwhammed payğambar turalı pikir sebep bolğan.

Ündi aqparat qwraldarınıñ mälimetine qarağanda, narazılıqqa sebep bolğan jazbanı jergilikti sayasatkerdiñ tuısı äleumettik jelige jariyalağan. Bwl pikirdı aymaqtağı mwsılman ökilderi "Mwhammed payğambarğa til tigizu" dep ayıptaydı. Narazı mwsılmandar sayasatkerdiñ üyiniñ mañına toptalıp, onı qamauğa aludı talap etken. Soñında narazı top sayasatkerdiñ üyine basıp kirip, policiyanıñ aralasuına tura kelgen.

Karnatka ştatınıñ biligi qaqtığısta üş adam qaza tapqanın rastadı. Janjalğa türtki bolğan jazba Facebook jelisinen öşirilgen. Habarlarda naqtı qanday pikir jazılğanı anıq aytılmaydı.

Ştattıñ işki ister ministri Ahanda Murti mwsılmandarğa qarata mälimdeme jasap, qoğamdıq tärtipti bwzbauğa şaqırdı jäne "kinälilerdiñ jazağa tartılatının" ayttı.

Ündistan älemdegi dinder men näsilderdiñ barlıq türi qatar ömir sürip jatqan el sanaladı. Bilik tarabı zayırlı el retinde eşbir dinge basımdıq bermeytinin aytıp keledi. Alayda, soñğı uaqıtta halıqtıñ basım köbin wstağan mwsılmandarğa qarata elde jağımsız pikirler küşeygen.

• Bwdan tura bir jıl bwrın mwsılmandar şoğırlı qonıstanğan Kaşmir aymağınıñ avtonomiyalı statusı alınıp tastalğan edi.

• Aqpanda Delidegi mwsılmandar qonıstanğan aymaqqa jasalğan şabuıldan 27 adam köz jwmğan bolatın.

• Bıltır jıl soñında Ündistan ükimeti Auğanstan, Päkistan jäne Bangladeşten bas sauğalap kelgenderge jeñildetilgen jolmen azamattıq beru zañın qabıldadı. Alayda, bwl zañğa mwsılmandar qamtılmay qaldı.
• Atalğan zañ jobası eldegi mwsılmandardıñ narazıdığın qozğap, eldegi iri qalalarda narazılıq akciyası ötken bolatın.

"The Qazaq Times"