Birtanov pen Coydıñ sözindegi qayşılıq – Jer jwtqan jüzdegen apparat

Bwrınğı jäne keyingi ministrlerdiñ mälimdemesindegi qayşılıq. Medicina salasında bağası qımbat ökpeni jasandı jeldetu apparatınıñ sanına qatıstı dauğa kim jauaptı? Jüzdegen qwrılğı birneşe ayda qayda ketti?

30 naurız küngi brifingte sol kezdegi Densaulıq saqtau ministri Eljan Birtanov jedel järdemde, audandıq auruhanalarda, iri medicina wyımdarında ökpeni jasandı jeldetetin 3 mıñğa juıq (IVL – orısşa) apparat bar ekenin mälimdegen. Mwnıñ 167-si jwqpalı aurular emhanalarında ornalasqan degen.

Sonday-aq vedomstvo basşısı Birtanov qwrılğı tapşılığın joyu maqsatında tender ötkizilgenin jäne säuir ayında däl osınday 270 apparat satıp alınatının habarlağan.

Sonımen qosa demeuşilerdiñ kömegimen satıp alınğan otandıq 180 jıljımalı apparat ta jetkiziletinin aytqan. Bwdan özge pandemiya bastalğalı beri Qayrat Satıbaldı, Aydın Rahımbaev, Bolat Ötemwratov qatarlı oligarhtar men bay-manaptar, qıtaylıq tanımal käsipker Djek Ma 30 qwrılğı alıp bergen edi.

Jalpı jiını 3300-den astam barın esepteuge boladı. Biraq jaqında ğana ministr bolıp tağayındalğan Aleksey Coy bügingi Ortalıq kommunikaciya qızmetinde ötkizgen brifingte basqaşa mälimet ayttı. Ol:

–  Qazirgi tañda Qazaqstanda 3294 dana jasandı tınıstau apparatı bar, onıñ 978-i ötken ayda satıp alındı. Aldağı uaqıtta tağı mıñ dana qwrılğı satıp alınbaq, – dep habarladı.

Ministrdiñ sözine sensek, ötken ayda nebäri 2,3 mıñday ğana jasandı tınıstau apparatı bolğan. Sonda köktemde bar dep aytılğan 3 mıñnan astam qwrılğı qayda ketken nemese isten şığıp, jaramsız bolıp qalğanı qanday esepke alınadı degen swraq tuadı. 3,5 mıñ  adamnan virus tabılğan naurız ayınıñ soñı men endigi 40 mıñğa juıqtağan qazirgi tañda arası bar bolğanı üş ay. Osı uaqıt aralığında köktemniñ basında qoldanısta bolğan qwrılğı tozıp, iske alğısız küyge tüsui mümkin be? Vedomstvoğa 20 kün bwrın joldanğan hatımızğa jauap ala almay otırğanda bwl saualdı joldau auzı küyse de ürlemey işetinniñ keri bolar. Sol sebepti ministrlikke mäseleni aşıq aqparat betinde joldaudı jön kördik. Bastapqıdağı mölşerinen azayıp, jüzdegen danası osı ayda satıp alınğan qwrılğınıñ sanı nege kümändi?

ÖJJQ apparattarı maqsatına, pacienttiñ jasına, jwmıs mehanizmine qaray ärtürli bolıp keledi. Degenmen onı adamnıñ tınıstauı qiındap, kömirqışqıl gazın şığaruda, aua jetispegende, yağni nauqastıñ jağdayı kürdelengende  qoldanu – adamnıñ ömirin saqtauğa taptırmas mümkindik. Qwrılğınıñ klinikağa arnalğan jay türiniñ özi keminde 15-7 million teñge twradı. Sondıqtan da jasandı jeldetu apparatı asa bağalı, tapşı qwraldıñ qatarına kiredi.

“The Qazaq Times”