Joğarı Euraziyalıq ekonomikalıq keñes (JEEK) otırısına dayındıq ayasında QR Prem'er-Ministriniñ birinşi orınbasarı Asqar Mamin Euraziyalıq ekonomikalıq komissiya Keñesiniñ (EAEK) beynekonferenciya rejiminde ötken otırısına qatıstı. Foto: primeminister.kz

EurazEK-tiñ Kedendik kodeksin tiimdi jüzege asıru maqsatında JEEK otırısında qarastıru üşin Kedendik äkimşilendiru salasında birqatar aktilerdi bekitu boyınşa Komissiya Alqası men Keñesi arasındağı ökilettikterdi böluge qatıstı EAEK jwmısınıñ Reglamentine tüzetuler engizudi Keñes müşeleri maqwldadı.  Bwl turalı  Qazaqstan Respublikasınıñ Prem'er-Ministriniñ Resmi saytında jariyalandı.

Memleket basşılarınıñ qarauına engizu üşin Euraziyalıq ekonomikalıq keñeske müşe memleketterdiñ 2017-2018 jıldarğa arnalğan makroekonomikalıq sayasatınıñ negizgi bağdarları maqwldandı. Onda EurazEK-ke müşe memleketterdiñ ekonomikalıq damuınıñ tiimdiligin arttıru üşin wsınıstar engizilgen.

EAEK Keñesiniñ müşeleri halıqaralıq ıntımaqtastıq mäseleleri töñiregindegi birqatar swraqtardı talqıladı. Negizinen, Iran Islam Respublikasımen erkin sauda aymağın qwruğa bağıttalğan konsul'taciyalar ötkizilip, «Keden odağı komissiyasınıñ keybir şeşimderine özgerister engizu turalı» şeşimderdi qarastırdı.

“The Qazaq Times”