Körneki suret. Foto: eadaily

Qazaqstan prezidenti Qasım-Jomart Toqaev reseylik «Komsomol'skaya pravda» gazetine swhbat berdi.

Tilşiniñ «Qazaqstanda AQŞ äskeri bazasınıñ salınuı mümkin be?» degen saualına Toqaev: «Qazaqstanda Amerikanıñ äskeri bazasın salu talqılanıp jatqan joq jäne bwl mäsele kün tärtibinde twrğan joq. Sonımen birge, Qazaqstan men Amerika Qwrama Ştattarı arasındağı ıntımaqtastıq energetika, investiciya, tehnologiya siyaqtı strategiyalıq salalarda tabıstı damıp keledi. Biz qarusızdanu jäne yadrolıq qarudı taratpau mäseleleri boyınşa wdayı baylanıstamız. Oğan qosa, biz Almatıdağı bwrınğı obağa qarsı institut bazasında biologiyalıq qauipsizdik salası boyınşa da jwmıs istedik. Biraq qazir kelisimşarttıñ ayaqtaluına baylanıstı amerikalıqtar zerthanadan ketip, onda tek qazaqstandıq mamandar byudjet qarajatı esebinen jwmıs isteydi. Osı saladağı zertteulerdiñ özektiligin eskere otırıp, biz reseylik mamandarmen de tığız ıntımaqtastıq ornatuğa dayınbız», – dedi.

Sonımen qatar Qazaqstanda Qırım nemese Donbass scenariyi qaytalanuı mümkin degen boljamğa prezident «jalğan sarapşılardıñ mwnday boljam jasauına eşqanday negiz joq. Bälkim, mwnıñ bäri Qazaqstandağı jağdaydı twraqsızdandıruğa jäne memleketterimiz arasındağı tatu körşilik, odaqtastıq qatınastardı bwzuğa bağıttalğan boluı mümkin. Mwnday boljamdardı tek biliksiz, özgelerdiñ köleñkesine jasırınatın adamdar ğana aytuı mümkin», – dep jauap berdi.

"The Qazaq Times"