Foto: AVS

Ereuilder men tärtipsizdikter basılmağandıqtan, N'yu-Yorkte komendanttıq sağat engizildi.

Afroamerikalıq Djordj Floydtıñ ölimine qatıstı halıqtıñ narazılığı birneşe künnen beri tıyılmay twr. Ükimet öñirde tärtipsizdiktiñ aldın alu üşin policiya ökilderiniñ sanın eki esege arttırmaq. Sonımen qatar qosımşa küş Manhetten men Bruklinge de jöneltiletin boladı.

AQŞ prezidentiDonal'd Tramp tärtipsizdikti tıyu maqsatında N'yu-York qalasına äsker jiberdi. Aq üy basşısı «qoğamnıñ tınıştığı üşin äskeri jäne azamattıq resurstardıñ barlığı qoldanıladı» dep ştat gubernatorlarına jağdaydı baqılauda wstau üşin Wlttıq wlan sarbazdarın tartudı wsındı. Eger ahual twraqtalmasa, ereuilderge qarulı küş jwmıldırıluı mümkin.

Tramp: «Amerikalıqtar Djordj Floydtıñ ölimine narazı. Meniñ äkimşiligim bwl oqiğağa qatıstı ädildikti ornatadı. Alayda, beybit twrde bastalğan şerudiñ bwlay uşığuına jol berilmeydi. Tärtipsizdikterden beybit halıq zardap şegip otır. Men el prezidenti retinde qarapayım twrğındardıñ qauipsizdigi üşin qoldan kelgenniñ bärin jasaymın. Bügin men är ştat gubernatorına Wlttıq wlan sarbazdarın da köşege tartuğa keñes beremin. Eger sözime qwlaq aspay, halıqtıñ ömirine qauip töndirseñder, AQŞ-tıñ qarulı küşterin jwmıldırıp özim-aq mäseleni şeşip beremin», – deydi.

"The Qazaq Times"