فوتو: اۆس

ەرەۋىلدەر مەن تارتىپسىزدىكتەر باسىلماعاندىقتان، نيۋ-يوركتە كومەندانتتىق ساعات ەنگىزىلدى.

افروامەريكالىق دجوردج فلويدتىڭ ولىمىنە قاتىستى حالىقتىڭ نارازىلىعى بىرنەشە كۇننەن بەرى تىيىلماي تۇر. ۇكىمەت وڭىردە تارتىپسىزدىكتىڭ الدىن الۋ ءۇشىن پوليتسيا وكىلدەرىنىڭ سانىن ەكى ەسەگە ارتتىرماق. سونىمەن قاتار قوسىمشا كۇش مانحەتتەن مەن برۋكلينگە دە جونەلتىلەتىن بولادى.

اقش پرەزيدەنتىدونالد ترامپ تارتىپسىزدىكتى تىيۋ ماقساتىندا نيۋ-يورك قالاسىنا اسكەر جىبەردى. اق ءۇي باسشىسى «قوعامنىڭ تىنىشتىعى ءۇشىن اسكەري جانە ازاماتتىق رەسۋرستاردىڭ بارلىعى قولدانىلادى» دەپ شتات گۋبەرناتورلارىنا جاعدايدى باقىلاۋدا ۇستاۋ ءۇشىن ۇلتتىق ۇلان ساربازدارىن تارتۋدى ۇسىندى. ەگەر احۋال تۇراقتالماسا، ەرەۋىلدەرگە قارۋلى كۇش جۇمىلدىرىلۋى مۇمكىن.

ترامپ: «امەريكالىقتار دجوردج فلويدتىڭ ولىمىنە نارازى. مەنىڭ اكىمشىلىگىم بۇل وقيعاعا قاتىستى ادىلدىكتى ورناتادى. الايدا، بەيبىت تۇردە باستالعان شەرۋدىڭ بۇلاي ۋشىعۋىنا جول بەرىلمەيدى. تارتىپسىزدىكتەردەن بەيبىت حالىق زارداپ شەگىپ وتىر. مەن ەل پرەزيدەنتى رەتىندە قاراپايىم تۇرعىنداردىڭ قاۋىپسىزدىگى ءۇشىن قولدان كەلگەننىڭ ءبارىن جاسايمىن. بۇگىن مەن ءار شتات گۋبەرناتورىنا ۇلتتىق ۇلان ساربازدارىن دا كوشەگە تارتۋعا كەڭەس بەرەمىن. ەگەر سوزىمە قۇلاق اسپاي، حالىقتىڭ ومىرىنە قاۋىپ توندىرسەڭدەر، اقش-تىڭ قارۋلى كۇشتەرىن جۇمىلدىرىپ ءوزىم-اق ماسەلەنى شەشىپ بەرەمىن»، – دەيدى.

"The Qazaq Times"