Ötken küni, 27 mamır küni Qazaqstanda 272 adamnan koronavirus anıqtaldı. Koronavirus jwqtırğandar sanı jağınan elde aldıñğı orındarda twrğan astanada – 56, Qarağandı oblısında – 49, Almatı qalasında – 25 adamnan tabılğan.  

Dertke şaldıqqan adamdardıñ sanı 9,5 mıñnan astı, naqtırağı 9576 keys. Alayda vedomstvo deregine qarağanda, auırğan nauqastardıñ jartısına säl jetpeytini, 4768-i sauığıp, üyine şığarılğan körinedi.  Densaulıq saqtau ministrliginiñ mälimetinşe, täuliktik ösim 2,9% mölşerinde bayqalğan.

Qazirgi tañda Soltüstik jäne Şığıs Qazaqstan oblıstarınan basqa barlıq öñirde keyster sanı jüzden asıp ketken. Tipti aldı Almatı qalasında 2,3 mıñ, astanada 1,8 mıñnan assa, al Atırau öñirinde mıñğa juıqtağan.

Säuirde densaulıq saqtau ministrligi şarıqtau şegine jettik degenimen, bir ay ötpey mıñdağan keyske ösken reestrge baylanıstı keşe prezident Toqaev «şarıqtau şeginen öttik» dep mälimdedi. Dese de medicina salasınıñ sarapşıları käsipkerler men twrğındardıñ karantin talabına nemqwraylı  qarauınan aldağı uaqıtta mäsele uşığıp, dert oşağı örşip ketui mümkin ekenin aytıp dabıl qağuda.

Tömende körsetilgen sandıq körsetkişter koronavirustıñ geolokaciyası. Jaqşanıñ işindegi jiıntıq sandar ötken küni belgili bolğan keyster.

  • Almatı qalası – 2378 (+25)
  •  Astana qalası – 1820 (+56)
  • Atırau oblısı – 959 (+15)
  • Qarağandı oblısı – 754 (+49)
  • Şımkent qalası – 730 (+17)
  • Batıs Qazaqstan oblısı – 493 (+21)
  • Jambıl oblısı – 362 (+4)
  • Türkistan oblısı – 354 (+17)
  • Qızılorda oblısı – 324 (+20)
  • Almatı oblısı – 319 (+14)
  • Aqtöbe oblısı – 304 (+22)
  • Pavlodar oblısı – 192 (+1)
  • Mañğıstau oblısı – 177 (+1)
  • Aqmola oblısı – 149 (+2)
  • Qostanay oblısı – 136 (+5)
  • Şığıs Qazaqstan oblısı – 74 (+1)
  • Soltüstik Qazaqstan oblısı – 51 (+2)

Bügingi tañda koronavirustıñ kesirinen qaytıs bolğandar qatarı 37-ge jetken. Alayda indettiñ bar-joğına baylanıstı eldiñ işi ekige jarılğan. Virustıñ barına senbeytin azamattar da az emes. Mwnı köbi densaulıq saqtau ministriniñ BAQ ökilderine karantin aymağına jolatpau jönindegi «qate şeşimi» men aqparattandırudıñ jetkiliksizdigimen, sonday-aq öñirler men megapolisterdegi jergilikti qoğamdıq densaulıq saqtau basqarmalarınıñ jwmısındağı şikiliginen dep sanaydı.

"The Qazaq Times"