Teñiz kenişindegi jwmısşılar qalaşığı. Foto: aşıq derekköz

Atırau oblısındağı tötenşe jağdaydı qamtamasız etu jönindegi jedel ştab aymaqta 432 adamnıñ koronavirus infekciyasın jwqtırğanın rastadı.

Ştab taratqan mälimetke qarağanda, qauipti keselge şaldıqqan nauqastardıñ arasında 90 adam – Teñiz kenişindegi merdiger mekemelerdiñ jwmısşıları. Dälirek aytqanda, 83 er adam jäne 7 äyel. Bwl bügin anıqtalğan derek. Jağdaydıñ aldağı uaqıtta qalay örbitini belgisiz.

Qazirgi uaqıtta nauqastarmen baylanısta bolğan adamdar anıqtalıp jatır, barlığı medicinalıq baqılauğa alınğan. Infekciya oşaqtarına da dezinfekciya jwmıstarı jürgizilude.

Aymaqtıq jedel ştab «Covid-19 jwqtırğan tağı eki jağday Atırau qalasında tirkeldi. Olar 52 jastağı äyel men 27 jastağı er adam. Olarmen baylanısta bolğan adamdardıñ tizimi jasalıp, auru oşağına dezinfekciyalıq jwmıstar jürgizilude», – dep mälimdedi.

13 mamırdağı jağday boyınşa öñirde COVID-19 indetin jwqtırğan nauqastar sanı 432-ge jetti, onıñ  işinde 359 adam – Teñiz kenişiniñ qızmetkerleri.

Bügingi tañda tirkelgen keyster sanı jağınan Atırau oblısı (432 jağday) respublikadağı üşinşi aymaq. Qazaqstanda 5417 adamnan Covid-19 derti anıqtalğan, onıñ 2223-i auruınan ayıqtı delinse, ökinişke qaray, 32 qaytıs boldı.

"The Qazaq Times"