Qazaqstanda alğaşqı koronavirus jwqtıru jağdayı anıqtalğan 13 naurızdan beri, 58 künniñ işinde eldegi nauqastar sanı 5 mıñnan astı.   

5036 keystiñ jiktelimi:

  • Almatı q. – 1571,
  • Astana – 1049,
  • Atırau oblısı – 296,
  • BQO – 239,
  • Şımkent q. – 229,
  • Qızılorda oblısı – 229,
  • Qarağandı oblısı – 191,
  • Almatı oblısı – 182,
  • Jambıl oblısı – 178,
  • Türkistan oblısı – 174,
  • Aqtöbe oblısı – 172,
  • Pavlodar oblısı – 154,
  • Mañğıstau oblısı – 120,
  • Aqmola oblısı – 109,
  • Qostanay oblısı – 61,
  • ŞQO – 48,
  • SQO – 34 adamnan virus tabılğan.

Dertinen ayıqqan 1766 adamnıñ eñ köbi  Almatı qalasınan (391), astanadan (369) jäne Qızılorda oblısınan (156), Şımkentten (119). Basqa öñirlerde sauığıp şıqqandar sanı jüzge jete qoymağan.

Al qaytıs bolğan jalpı 31 adamnıñ 9-ı Almatı, 5-eui Şımkent qalaları men 4-eui Aqmola oblısınıñ twrğındarı. Sonday-aq astana men Qarağandı oblısında 3 nauqastan, Pavlodar oblısında 2 nauqas jäne ŞQ, Qostanay, Mañğıstau, Türkistan oblıstarında bir adamnan qaytqan.

Twtas älemdi eseñgiretken jwğuı jıldam äri asa auqımdı indetti jwqtıruşılar sanı boyınşa Qazaqstan qazirgi tañda düniejüzinde 56-orında twr. Respublikadağı 17 öñirdiñ 13-inde tirkelgen keyster sanı jüzden asıp ketken.

Qazaqstandağı negizgi keyster reestri:

  • 13 naurız sağat 14.30 – birinşi nauqas (74 künde)*;
  • 13 säuir sağat 23.40 – 1 000 nauqas (31 künde);
  • 22 säuir sağat 09.25 – 2 000 nauqas (10 künde);
  • 27 säuir sağat 17.40 – 3 000 nauqas (6 künde);
  • 4 mamır sağat 18.35   – 4 000 nauqas (7 künde);
  • 10 mamır sağat  – 5 000 nauqas (6 künde)

*Wikipedia: 2019 jılı 31 jeltoqsan küni Qıtayda alğaşqı jağday tirkeldi.

Qazaqstannıñ bas memlekettik sanitarlıq därigeri Ayjan Esmağambetova apta basında «elde epidemiologiya ahualı twraqtanğanın» aytıp, karantin aqırındap jeñildeytinin habarlağan. Bwğan deyin säuirde Ayjan Esmağambetova elimizdegi koronavirus infekciyası «şarıqtau şegine jetti» dep mälimdegen. Ol tirkelgen nauqastar sanı «säuirdiñ soñına qaray 2700, al mamır ayınıñ ayağında 4000-ğa jetetinin» habarlap edi. Artınşa jauaptı ministrlik boljamın qayta tüzetip, mamır ayınıñ soñına qaray indetke şaldıqqan qazaqstandıqtardıñ qatarı 5,3 mıñğa deyin jetedi degen. Biraq sarapşılar keyingi künderdegi qauipti keseldiñ qarqınına qarap, TJ rejimin alınğan jağdayda ay soñına deyin koronavirus jwqtıruşılar qatarı 7 mıñnan asadı dep boljaydı.

Qazir älemde  4 milionnan astam adamnıñ koronavirus jwqtırğanı belgili. Olardıñ 280 mıñnan köbin dert meñdep qaytıs bolsa, 1,4 millionı auruınan ayığıp, üyine jiberilgen.

"The Qazaq Times"