RF prezidenti V.Putin jäne Özbekstan prezidenti Ş.Mirziyaev. Foto: centralasian.org

Özbekstan prezidenti Şavkat Mirziyaevtiñ Reseyge resmi saparı qarsañında respublika prem'er-ministriniñ birinşi orınbasarı Açilbay Ramatov Mäskeude jasalatın kelisimder turalı aytıp berdi. Eki el arasındağı kelisim-şarttardıñ 3,5 mlrd dollar twratın alğaşqı böligine 3 säuirde Özbekstannıñ Mäskeudegi elşiliginde qol qoyılğan.

Resmi mälimet boyınşa, Mäskeude Özbekstan prezidenti Şavkat Mirziyaev Resey prezidenti Vladimir Putinmen jäne prem'er-ministri Dmitriy Medvedevpen kezdesedi. Bwl kezdesuler 5 säuir, särsenbide ötedi dep josparlanğan.

Özbekstan Sırtqı ister ministrliginiñ habarlauınşa, prezident saparı qarsañında taraptar 16 eki jaqtı kelisimge qol qoyğan. Bwl qwjattardıñ jalpı qwnı - 3,5 milliard dollar.

Qomaqtı qarajat twratın basqa da qwjattardı Kreml'de eki eldiñ prezidentteri qabıldaydı.

RF Federaldıq keden qızmetiniñ habarlauınşa, ötken jılı Resey men Özbekstan arasındağı tauar aynalımı 3 mlrd dollar bolğan.

“The Qazaq Times”