وزبەكستان مەن رەسەي 16 ملرد دوللارعا كەلىسىمگە وتىرادى

ءوزبەكستان پرەزيدەنتى شاۆكات ميرزياەۆتىڭ رەسەيگە رەسمي ساپارى قارساڭىندا رەسپۋبليكا پرەمەر-ءمينيسترىنىڭ ءبىرىنشى ورىنباسارى اچيلباي راماتوۆ مءاسكەۋدە جاسالاتىن كەلىسىمدەر تۋرالى ايتىپ بەردى. ەكى ەل اراسىنداعى كەلىسىم-شارتتاردىڭ 3,5 ملرد دوللار تۇراتىن العاشقى بءولىگىنە 3 سءاۋىردە ءوزبەكستاننىڭ مءاسكەۋدەگى ەلشىلىگىندە قول قويىلعان.

رەسمي مالىمەت بويىنشا، ماسكەۋدە وزبەكستان پرەزيدەنتى شاۆكات ميرزياەۆ رەسەي پرەزيدەنتى ۆلاديمير پۋتينمەن جانە پرەمەر-ءمينيسترى دميتري مەدۆەدەۆپەن كەزدەسەدى. بۇل كەزدەسۋلەر 5 ءساۋىر، سارسەنبىدە وتەدى دەپ جوسپارلانعان.

وزبەكستان سىرتقى ىستەر مينيسترلىگىنىڭ حابارلاۋىنشا، پرەزيدەنت ساپارى قارساڭىندا تاراپتار 16 ەكى جاقتى كەلىسىمگە قول قويعان. بۇل قۇجاتتاردىڭ جالپى قۇنى - 3,5 ميلليارد دوللار.

قوماقتى قاراجات تۇراتىن باسقا دا قۇجاتتاردى كرەملدە ەكى ەلدىڭ پرەزيدەنتتەرى قابىلدايدى.

رف فەدەرالدىق كەدەن قىزمەتىنىڭ حابارلاۋىنشا، وتكەن جىلى رەسەي مەن وزبەكستان اراسىنداعى تاۋار اينالىمى 3 ملرد دوللار بولعان.

“The Qazaq Times”