Bügin Almatı oblısında koronavirustı tağı 13 adamnıñ jwqtırğanı belgili boldı. Olardıñ 9-ı İle audanınıñ, 3-eui – Qapşağay qalasınıñ twrğındarı bolsa, 1-eui Ukraina azamatı, - dep habarlaydı Almatı oblısı äkiminiñ baspasöz qızmeti.

Auırğandardıñ eñ kişisi - 8 aylıq säbi, eñ ülkeni - 1952 jılı tuğan azamat. Olarmen 39 adamnıñ qarım-qatınasta bolğanı anıqtaldı. Baylanısta bolğandardıñ barlığı därigerlerdiñ baqılauına alındı, olarğa virusologiyalıq zertteu jürgizilude. Almatı oblısında indet jwqtırğandar sanı 86 adamğa jetken.

25 säuir, sağat 22:20-dağı epidemiologiyalıq jağday boyınşa, Türkistan oblısında 9 adam, Almatı qalasında 13 adam, Aqmola oblısında 2 adam, elordasında 7 adam, Qostanay oblısında 4 adam, Pavlodar oblısında 2 adam virus jwqtırğan.

Soñğı mälimet boyınşa Almatı qalasında 827 adam, el astanasında 471 adam, Qızılorda oblısında 170 adam, Şımkent qalasında 161 adam, Qarağandı oblısında 113 adam, Atırau oblısında 108 adam, Türkistan oblısında 107 adam, Jambıl oblısında 103 adam, Batıs Qazaqstan oblısında 103 adam, Aqmola oblısında 91 adam, Pavlodar oblısında 91 adam, Almatı oblısında 86 adam, Aqtöbe oblısında 55 adam, Qostanay oblısında 43 adam, Soltüstik Qazaqstan oblısında 30 adam, Mañğıstau oblısında 26 adam, Şığıs Qazaqstan oblısında 16 adam tirkelip, koronavirus jwqtırğandardıñ jalpı sanı 2601 adamğa jetti.

25 adam qaytıs bolıp,  646 nauqas dertinen ayığıp şıqtı.

Beysembi Aygerim

"The Qazaq Times"