بۇگىن الماتى وبلىسىندا كوروناۆيرۋستى تاعى 13 ادامنىڭ جۇقتىرعانى بەلگىلى بولدى. ولاردىڭ 9-ى ىلە اۋدانىنىڭ، 3-ەۋى – قاپشاعاي قالاسىنىڭ تۇرعىندارى بولسا، 1-ەۋى ۋكراينا ازاماتى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

اۋىرعانداردىڭ ەڭ كىشىسى - 8 ايلىق ءسابي، ەڭ ۇلكەنى - 1952 جىلى تۋعان ازامات. ولارمەن 39 ادامنىڭ قارىم-قاتىناستا بولعانى انىقتالدى. بايلانىستا بولعانداردىڭ بارلىعى دارىگەرلەردىڭ باقىلاۋىنا الىندى، ولارعا ۆيرۋسولوگيالىق زەرتتەۋ جۇرگىزىلۋدە. الماتى وبلىسىندا ىندەت جۇقتىرعاندار سانى 86 ادامعا جەتكەن.

25 ءساۋىر، ساعات 22:20-داعى ەپيدەميولوگيالىق جاعداي بويىنشا، تۇركىستان وبلىسىندا 9 ادام، الماتى قالاسىندا 13 ادام، اقمولا وبلىسىندا 2 ادام، ەلورداسىندا 7 ادام، قوستاناي وبلىسىندا 4 ادام، پاۆلودار وبلىسىندا 2 ادام ۆيرۋس جۇقتىرعان.

سوڭعى مالىمەت بويىنشا الماتى قالاسىندا 827 ادام، ەل استاناسىندا 471 ادام، قىزىلوردا وبلىسىندا 170 ادام، شىمكەنت قالاسىندا 161 ادام، قاراعاندى وبلىسىندا 113 ادام، اتىراۋ وبلىسىندا 108 ادام، تۇركىستان وبلىسىندا 107 ادام، جامبىل وبلىسىندا 103 ادام، باتىس قازاقستان وبلىسىندا 103 ادام، اقمولا وبلىسىندا 91 ادام، پاۆلودار وبلىسىندا 91 ادام، الماتى وبلىسىندا 86 ادام، اقتوبە وبلىسىندا 55 ادام، قوستاناي وبلىسىندا 43 ادام، سولتۇستىك قازاقستان وبلىسىندا 30 ادام، ماڭعىستاۋ وبلىسىندا 26 ادام، شىعىس قازاقستان وبلىسىندا 16 ادام تىركەلىپ، كوروناۆيرۋس جۇقتىرعانداردىڭ جالپى سانى 2601 ادامعا جەتتى.

25 ادام قايتىس بولىپ،  646 ناۋقاس دەرتىنەن ايىعىپ شىقتى.

بەيسەمبى ايگەرىم

"The Qazaq Times"