Qazaqstannıñ Ädilet ministrligi Almatınıñ bwrınğı äkimi Viktor Hrapunovtı twtqındauğa mıqtap kiristi. Eks äkim jemqorlıqpen ayıptalğan bolatın. Onıñ memleketke keltirgen şığını 300 mln. dollar eken.

V.Hrapunovtı bwrın da zañmen qudalamaq bolğan. Almatı äkimdigi 2014 jılı sotqa talap bildirgen. 2015 jılı sot onı nazarğa almadı. İs Şveycariyada qaralu kerek bolatın. Ädilet ministri Marat Beketaevtıñ aytuınşa, endigi sot tıñdauı Kaliflorniyada bolmaq. Onda Qazaqstan tarapı Hrapunovtıñ qılmısı turalı barlıq dälel, fakktilerin körsetuge mümkindigi bar. Kaliforniyada Hrapunovtıñ villaları men qımbat bağalı kölikteri bar. AQŞ sotı şığarğan kez-kelgen ükim älemniñ barlıq jerinde zañdıq küşke ie. Hrapunov mülkin qalay jasırsa da osı şeşim arqılı olardı satıp, Almatı qalasına kelgen şığınnıñ ornın toltıruğa boladı.

Alayda, eks äkim de osal emes. Ol da mıqtı zañger jaldağan. Mülki ofşorlıq kompaniyalar arqılı basqa zañdı twlğağa audarılğan. Onıñ Hrapunovtıki ekenin däleldeu kerek. YAğni, Ädilet Qazaqstan tarapına wyımdasqan jwmıs atqaru kerek. Al, ministr Qazaqstan halqınan aqşa wrlağan kez-kelgen wrı onı şetelde paydalana almaydı dep otır.

“The Qazaq Times”