بۇگىندە پاندەميا سالدارىنان قازاقستاندا جۇمىس ورىندارى ۋاقىتشا جابىلىپ، قالالارعا كارانتين رەجيمى ەنگىزىلدى. اتالمىش ىندەتتىڭ زاردابىن ءبىز عانا ەمەس، دۇنيەجۇزى ەلدەرىنىڭ تۇگەلگە جۋىعى تارتىپ وتىر. ەۋروپالىق وداقتىڭ بولجامىنا سۇيەنسەك، كوروناۆيرۋس دەرتىنەن الەم بويىنشا 25 ميلليونداي ادام جۇمىسىنان ايىرىلۋى مۇمكىن. ال، ماماندار بۇل ەكىنشى دۇنيەجۇزىلىك سوعىستان بەرى بولماعان داعدارىسقا اكەپ سوقتىرۋى ىقتيمال ەكەنىن ايتادى، دەپ جازادى BBC باسىلىمى.
يسپانيادا كارانتين باستالعالى بەرى 900 مىڭعا جۋىق ادام جۇمىسىنان ايىرىلعان
ستاتيستيكا بويىنشا، يسپانياداعى كارانتين باستالعالى بەرى 898,822 ادام جۇمىسىن ايىرىلعان. ونىڭ 550 مىڭى ۋاقىتشا جۇمىس ىستەگەندەر. رەسمي جۇمىسسىزدىق كورسەتكىشى 3,5 ميلليونعا دەيىن وسكەن. مۇنداي كورسەتكىش سوڭعى رەت 2017 جىلعى ساۋىردە تىركەلگەن. ەڭبەك مينيسترلىگىنىڭ ايتۋىنشا، اسىرەسە تۋريزم مەن قۇرىلىس سالاسى قاتتى سوققى الىپ وتىر.
قازىر يسپانيا ماڭىزدى ءىس-شارالاردان باسقاسىنىڭ بارىنە تىيىم سالدى، سونداي-اق ناۋرىز ايىنىڭ ورتاسىنان باستاپ كوپتەگەن كاسىپورىن دا جۇمىسىن توقتاتتى. ناقتى ستاتيستيكا يسپانيانىڭ دەنساۋلىق ساقتاۋ مينيسترلىگىنىڭ حابارلاۋىنشا، 10, 003 ادام كوروناۆيرۋستان قايتىس بولعان. ونىڭ 950-ءى سوڭعى 24 ساعات ىشىندە تىركەلگەن. ال، سارسەنبىدە جۇقتىرعاندار سانى 102,136 ادامنان 110,238 ادامعا جەتتى. وتكەن كۇندەرمەن سالىستىرعاندا اۋىرعاندار سانى 8 پايىزعا ءوسىپ، قازىر ۆيرۋستىڭ تارالۋى ءورشىپ تۇر، جاقىن كۇندەردە تومەندەيدى دەپ كۇتىلۋدە.
اقش-تا جۇمىسسىزدىق سالدارىنان جاردەماقى الۋعا 6,6 ملن ادامنان ءوتىنىش تۇسكەن
اقش-تا وتكەن اپتادا جۇمىسسىزدىق سالدارىنان جاردەماقى الۋعا جاڭا وتىنىمدەر سانى 6,65 ملن-عا جەتكەن، ەلدىڭ ەڭبەك مينيسترلىگىنىڭ ايتۋىنشا، بۇل الدىڭعى اپتاداعىدان ەكى ەسە كوپ. بۇل كورسەتكىشتەر ساراپشىلاردىڭ بولجامىنان دا اسىپ تۇسكەن. مامانداردىڭ سوزىنشە، ەلدەگى كوپ شتاتتا ەنگىزىلگەن كارانتينگە بايلانىستى كاسىپورىندار جۇمىسىن توقتاتۋعا ءماجبۇر بولدى. سونىڭ سالدارىنان جۇمىسسىزدىق دەڭگەيى ارتىپ، ەلدەگى جۇمىسسىزداردىڭ سانى 20 ميلليونعا دەيىن جەتۋى مۇمكىن دەگەن بولجام بار. بۇل جۇمىس كۇشىنىڭ 15 پايىزى. بۇل ءتىپتى، 1930 جىلدارداعى ۇلكەن داعدارىس كەزەڭىندەگى كورسەتكىشتەن دە جوعارى.
قازىر اقش-تا 5 مىڭنان استام ادام كوروناۆيرۋستان قايتىس بولدى، ىشىندە التى اپتالىق ءسابي دە بار. سوڭعى ءبىر كۇندە اقش-تا كوروناۆيرۋس ينفەكتسياسىن جۇقتىرعاندار سانى 25 000-نان استى. جالپى 240 مىڭنان استام ازامات كوروناۆيرۋستىڭ قۇربانى بولۋى مۇمكىن دەگەن بولجام ايتىلىپ وتىر. ەڭ كوپ زارداپ شەككەن قالا – نيۋ-يورك. قالاداعى سىناق تاپسىرعانداردىڭ 47,500-ءى وڭ ناتيجە كورسەتىپ، 1300-دەن استام ادام قايتىس بولدى. سونداي-اق، دەترويت پەن جاڭا ورلەان سياقتى قالالاردا دا جۇقتىرعاندار سانى ارتۋدا. ال فلوريدا، دجوردجيا جانە ميسسيسيپپي شتاتتارى كارانتين ەنگىزۋ تۋرالى شەشىمدى ەڭ سوڭعى بولىپ قابىلدادى. ەل تۇرعىندارىنىڭ 75 پايىزدان استامىنا ۇيدەن شىقپاۋعا بۇيرىق بەرىلگەن.
يتاليادا ونەركاسىپ ءوندىرىسى 15 پايىزعا دەيىن تومەندەۋى مۇمكىن
يتاليا الەمدە قايتىس بولعاندار سانى جاعىنان ەڭ جوعارى كورسەتكىشكە يە. جاڭا مالىمەتتەر بويىنشا 13 915 ادامنىڭ كوز جۇمعان. سوڭعى مىلڭمەتتەر بويىنشا 24 ساعات ىشىندە بۇل 760-قا ارتقان. ال ۆيرۋستى جاڭادان جۇقتىرعان 2 477 ادام تىركەلىپ، جۇقتىرعاناردىڭ جالپى سانى 83 049-عا جەتتى.
يتاليا ۆيرۋستىڭ الدىن-الۋ بويىنشا قاتاڭ شارالار قابىلداعان باتىستاعى ءبىرىنشى مەملەكەت. ەل ۇكىمەتى ۆيرۋس سالدارىنىڭ ەكونوميكاعا قاتتى سوققى بولاتىنىن ەسكەرتكەن ەدى. يتاليانىڭ باستى بيزنەس قاۋىمداستىعى ونەركاسىپ ءوندىرىسى جىلدىڭ ەكىنشى توقسانىندا 15 پايىزعا دەيىن تومەندەۋى مۇمكىن ەكەنىن جەتكىزدى. مۇنداي كورسەتكىش سوڭعى رەت 2009 جىلعى داعدارىس كەزىندە بولىپتى.
رەسەيدە ەل پرەزيدەنتى ۆلاديمير پۋتين كارانتيننىڭ ۋاقىتىن ءساۋىردىڭ سوڭىنا دەيىن ۇزارتتى. بەلگيادا ۆيرۋس جۇقتىرىپ قايتىس بولعاندار سانى 1000-نان اسسا، يراندا 3100-دەن استام ادام قايتىس بولعانى رەسمي تۇردە جاريالانىپ وتىر.
فيليپپين پرەزيدەنتى رودريگو دۋتەرتە ازاماتتار شەكتەۋلەرگە بايلانىستى قيىندىقتار تۋعىزعان جاعدايدا ولاردى اتىپ ولتىرۋگە بولاتىنىن ەسكەرتتى. سونىمەن قاتار، پوليتسيا مەن اسكەري قىزمەتكەرلەردىڭ ومىرىنە قاۋىپ تونگەن جاعدايدا دا ولاردىڭ اتۋعا قۇقىلى ەكەنىن ايتتى.
ال قىتايدىڭ شىنجىن قالاسى اۋرۋدىڭ تارالۋىنان مىسىق پەن ءيتتى جەۋگە تىيىم سالدى. كانادا پرەمەر-ءمينيسترى دجاستين تريۋدو ەل تاريحىنداعى ەڭ ءىرى ەكونوميكالىق باعدارلاما جاساۋعا ۋادە ەتتى.
ايتا كەتەيىك، دجونس حوپكينس ۋنيۆەرسيتەتىنىڭ مالىمەتىنشە، بۇكىل الەمدە كوروناۆيرۋس ينفەكتسياسىن جۇقتىرعاندار سانى ميلليوننان استى. الەم بويىنشا 50 200-دەن استام ءولىم تىركەلىپ، ونىڭ 204 مىڭنان استامى ساۋىعىپ كەتكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟