Alğaşqı on künde bes öñirden 60 nauqas tirkeldi

22 naurızdağı jağday boyınşa, elde indet jwqtırğan 60 jağday belgili boldı.

• Almatı qalasında – 25 adam;
• Astanada – 31 adam;
• Qarağandı qalasında – 2 adam;
• Almatı oblısında – 1 adam;
• Aqtöbe oblısında – 1 adam.

Osılayşa, Qazaqstanda koronavirus tabılğan alğaşqı on künde 60 nauqas tirkelip, mıñdağan adam auruhana-üy karantinine alındı.

Naurız meyramı qarsañında, 21-i küni prezident indetke qarsı küres jwmısın üylestiru ortalığına barıp, «aldıñğı mälimdemeniñ ornın toltırğanday» bolıp pikir bildirdi. Ol «halıq äli tolıq aqparat ala almay otırğanın» aytıp, naqtı aqparat platformasın dayındaudı tapsırdı. Sonday-aq betperde taqqan Toqaev barlıq qalanıñ bastı dañğıl-köşelerinde «tegin masa taratuğa» uäde berdi.

– Bizde äli künge deyin tiisti kölemde betperdeniñ tapşı ekenin atap aytqım keledi. Biraq qağaz jüzinde bäri jetkilikti. Bir jağınan halıq därihanalarda betperdeniñ äli de joqtığın aytıp şağımdanuda. Nege? Bwl alıpsatarlıq dep oylaymın, – dedi el basşısı.

«Bügin bükil älemniñ jäne onıñ ekonomikasınıñ tağdırı ğalımdardıñ qolında. Bwl artıq aytqandıq emes. Qazir dünie jüziniñ tağdırın futbolşılar, şou-biznes ökilderi emes, ğalımdar şeşedi. Biz osı jağdaydan sabaq aluımız qajet», – degen prezident oyınıñ qoğamdıq-sayasi sanağa äldebir äseri bolar-bolması äzirge belgisiz. «Vakcinanı nege erterek jasap şığarmaydı» dep daurıqqan qoğam pen sayasatkerler ğılımğa küni tüskenge deyin ğalımnıñ qadirin bilip pe, «älemdi qwtqaruşılarğa» aldın-ala jağday jasap pa eken?

Qazaqstanda koronavirus jwqtırğan nauqastardıñ tirkelu dinamikası. Infografika: QT

"The Qazaq Times"