ارنايى وقۋ-جاتتىعۋ كەزىنەن. فوتو: الماز تولەكە

22 ناۋرىزداعى جاعداي بويىنشا، ەلدە ىندەت جۇقتىرعان 60 جاعداي بەلگىلى بولدى.

  • الماتى قالاسىندا – 25 ادام;
  • استانادا – 31 ادام;
  • قاراعاندى قالاسىندا – 2 ادام;
  • الماتى وبلىسىندا – 1 ادام;
  • اقتوبە وبلىسىندا – 1 ادام.

وسىلايشا، قازاقستاندا كوروناۆيرۋس تابىلعان العاشقى ون كۇندە 60 ناۋقاس تىركەلىپ، مىڭداعان ادام اۋرۋحانا-ءۇي كارانتينىنە الىندى.

ناۋرىز مەيرامى قارساڭىندا، 21-ءى كۇنى پرەزيدەنت ىندەتكە قارسى كۇرەس جۇمىسىن ۇيلەستىرۋ ورتالىعىنا بارىپ، «الدىڭعى مالىمدەمەنىڭ ورنىن تولتىرعانداي» بولىپ پىكىر ءبىلدىردى. ول «حالىق ءالى تولىق اقپارات الا الماي وتىرعانىن» ايتىپ، ناقتى اقپارات پلاتفورماسىن دايىنداۋدى تاپسىردى. سونداي-اق بەتپەردە تاققان توقاەۆ بارلىق قالانىڭ باستى داڭعىل-كوشەلەرىندە «تەگىن ماسا تاراتۋعا» ۋادە بەردى.

– بىزدە ءالى كۇنگە دەيىن ءتيىستى كولەمدە بەتپەردەنىڭ تاپشى ەكەنىن اتاپ ايتقىم كەلەدى. بىراق قاعاز جۇزىندە ءبارى جەتكىلىكتى. ءبىر جاعىنان حالىق ءدارىحانالاردا بەتپەردەنىڭ ءالى دە جوقتىعىن ايتىپ شاعىمدانۋدا. نەگە؟ بۇل الىپساتارلىق دەپ ويلايمىن، – دەدى ەل باسشىسى.

«بۇگىن بۇكىل الەمنىڭ جانە ونىڭ ەكونوميكاسىنىڭ تاعدىرى عالىمداردىڭ قولىندا. بۇل ارتىق ايتقاندىق ەمەس. قازىر دۇنيە ءجۇزىنىڭ تاعدىرىن فۋتبولشىلار، شوۋ-بيزنەس وكىلدەرى ەمەس، عالىمدار شەشەدى. ءبىز وسى جاعدايدان ساباق الۋىمىز قاجەت»، – دەگەن پرەزيدەنت ويىنىڭ قوعامدىق-ساياسي ساناعا الدەبىر اسەرى بولار-بولماسى ازىرگە بەلگىسىز. «ۆاكتسينانى نەگە ەرتەرەك جاساپ شىعارمايدى» دەپ داۋرىققان قوعام پەن ساياساتكەرلەر عىلىمعا كۇنى تۇسكەنگە دەيىن عالىمنىڭ قادىرىن ءبىلىپ پە، «الەمدى قۇتقارۋشىلارعا» الدىن-الا جاعداي جاساپ پا ەكەن؟

ۋاقىتى ناۋقاستار سانى
13 ناۋرىز (جۇما) 4
14 ناۋرىز (سەنبى) 2
15 ناۋرىز (جەكسەنبى) 3
16 ناۋرىز (دۇيسەنبى) 1
17 ناۋرىز (سەيسەنبى) 23
18 ناۋرىز (سارسەنبى) 3
19 ناۋرىز (بەيسەنبى) 8
20 ناۋرىز (جۇما) 8
21 ناۋرىز (سەنبى) 2
22 ناۋرىز (جەكسەنبى) 6

قازاقستاندا كوروناۆيرۋس جۇقتىرعان ناۋقاستاردىڭ تىركەلۋ ديناميكاسى. ينفوگرافيكا: QT

"The Qazaq Times"