22 naurız tüngi sağat 00.00-de Almatı men astana jabılıp, eki qalağa qatınaytın poyızdar men işki reyster tolıq toqtaydı.

Karantin uaqıtında azıq-tülik satatın sauda orındarı, sayabaqtar jwmıs istey beredi. Dämhana, meyramhanalardan tamaqtı satıp alıp ketuge ğana boladı.

Qala äkiminiñ orınbasarı Erlan Qojağapanov däl osı küni qwtqaru qızmeti, jedel medicinalıq järdem kölikteriniñ ötuine ğana rwqsat beriledi dedi. Sol sebepti qalağa kirgisi kelgender nemese şığatındar osı uaqıtqa deyin Almatığa kirip nemese qaladan şığıp ülgerui tiis.

Koronavirus pandemiyasına baylanıstı Qazaqstan prezidenti eldiñ bükil aumağında 16 naurızdan 15 säuirge deyin tötenşe jağday engizu turalı jarlıqqa qol qoydı. Astana jäne Almatı qalalarında 19 naurızdan bastap karantin rejimi engizildi. Birqatar şaralar men uaqıtşa şekteuler belgilendi. Qajet bolğan jağdayda tötenşe jağday merzimi wzartıluı mümkin.

Soñğı mälimetter boyınşa, Qazaqstanda koronavirus jwqtırğandar sanı 37-ge jetken. Olardıñ 19-i - Almatıda, 18-i astanada emdelip jatır. Olardıñ arasında eki bala bar.

"The Qazaq Times"