22 ناۋرىز تۇنگى ساعات 00.00-دە الماتى مەن استانا جابىلىپ، ەكى قالاعا قاتىنايتىن پويىزدار مەن ىشكى رەيستەر تولىق توقتايدى.

كارانتين ۋاقىتىندا ازىق-تۇلىك ساتاتىن ساۋدا ورىندارى، ساياباقتار جۇمىس ىستەي بەرەدى. ءدامحانا، مەيرامحانالاردان تاماقتى ساتىپ الىپ كەتۋگە عانا بولادى.

قالا اكىمىنىڭ ورىنباسارى ەرلان قوجاعاپانوۆ ءدال وسى كۇنى قۇتقارۋ قىزمەتى، جەدەل مەديتسينالىق جاردەم كولىكتەرىنىڭ وتۋىنە عانا رۇقسات بەرىلەدى دەدى. سول سەبەپتى قالاعا كىرگىسى كەلگەندەر نەمەسە شىعاتىندار وسى ۋاقىتقا دەيىن الماتىعا كىرىپ نەمەسە قالادان شىعىپ ۇلگەرۋى ءتيىس.

كوروناۆيرۋس پاندەمياسىنا بايلانىستى قازاقستان پرەزيدەنتى ەلدىڭ بۇكىل اۋماعىندا 16 ناۋرىزدان 15 ساۋىرگە دەيىن توتەنشە جاعداي ەنگىزۋ تۋرالى جارلىققا قول قويدى. استانا جانە الماتى قالالارىندا 19 ناۋرىزدان باستاپ كارانتين رەجيمى ەنگىزىلدى. بىرقاتار شارالار مەن ۋاقىتشا شەكتەۋلەر بەلگىلەندى. قاجەت بولعان جاعدايدا توتەنشە جاعداي مەرزىمى ۇزارتىلۋى مۇمكىن.

سوڭعى مالىمەتتەر بويىنشا، قازاقستاندا كوروناۆيرۋس جۇقتىرعاندار سانى 37-گە جەتكەن. ولاردىڭ 19-ءى - الماتىدا، 18-ءى استانادا ەمدەلىپ جاتىر. ولاردىڭ اراسىندا ەكى بالا بار.

"The Qazaq Times"