Densaulıq saqtau ministrligi Qazaqstanda koronavirus şaldıqqan azamattardıñ basım böligi şetelden kelgendigin aytadı. Foto: aşıq derekköz

Alğaş nauqas tirkelgen 13 naurızdan bastap densaulıq saqtau ministrligi taratqan aşıq közderdegi aqparattar boyınşa qaterli dert jwqtırğandar jönindegi derek tolıqqandı emes. 

Ştattıq rejimde jwmısqa kirisken vedomstvonıñ äleumettik jelilerdegi akkaunttarında densaulıq saqtau ministri Eljan Birtanov pen ministrliktiñ resmi ökili Dias Azmetşärip kezektesip jaña derekterdi bölisip otır. Degenmen, jauaptı şeneunikter birneşe pacient turalı habarlağanda kelu bağıtı, merzimi turalı naqtı aqparat berse, keşegi 19 nauqas tirkelgeni turalı mälimdemede sanaq türinde qısqa qayırdı. Äzirge olardıñ qaydan qaşan nendey jağdayda oralğanı aytılmadı. Keybir nauqastıñ jası, äleumettik statusı belgisiz.

Densaulıq saqtau ministrliginiñ baspasöz qızmetiniñ mälimdeuinşe, elde keşe keşkisin, 18 naurız sağat 09:00-de koronavirus tabılğan nauqastar sanı 35-ke jetti. Onıñ 17-si Almatıda, 18-i astanada tirkeldi.

№ Nauqas turalı Jası / tuğan jılı Rastalğan küni Qazaqstanğa kelgen küni Reys / tirkelgen qala
1 Er  adam 46 (1974) 13 naurız 9 naurız Berlin-Almatı
2 Äyel 36 (1984) 13 naurız 9 naurız Berlin-Almatı
3 Äyel * 13 naurız 12 naurız Milan-Mäskeu-astana
4 Äyel * 13 naurız 9 naurız Berlin-Almatı
5 Er adam 62 (1958) 14 naurız 10 naurız Mäskeu-Almatı
6 Äyel * 14 naurız 10 naurız Varşava-astana
7 Er adam 25 (1995) 15 naurız 14 naurız Seul-Almatı
8 Äyel 61 (1959) 15 naurız 10 naurız Mäskeu-Almatı
9 Qız bala 12 (2008) 15 naurız * Berlin-Almatı
10 Äyel 34 (1986) 16 naurız 15 naurız Stambwl-Almatı
11 Näreste qız bala 2 (2018) 17 naurız 13 naurız Berlin-Minsk-Almatı
12 Er adam 54 (1966) 17 naurız 10 naurız Mäskeu-Almatı
13 Er adam 64 (1956) 17 naurız 10 naurız Mäskeu-Almatı
14 19 adam * 17 naurız * 4-eui Almatı

15-i astana
15 Äyel 37 (1983) 17 naurız 17 naurız Astana twrğını
16 Student qız 22 (1998) 18 naurız 15 naurız Stambwl-Almatı
17 Äyel 46 (1974) 18 naurız 10 naurız Mäskeu-Almatı

Sarapşılar tek Europa elderi, Türkiya, Oñtüstik Koreyadan oralğan nauqastardan ğana koronavirus tabılğanına kümänmen qaraydı. Olardıñ sözinşe, 6 qañtardan beri Qıtay şekarasınan Qazaqstanğa ötken onmıñdağan azamattıñ bäri «din aman boluı küdikti jayt». Al WQK Şekara qızmetiniñ ay basında jariyalağan deregine säykes, biıl 1-29 aqpan aralığında Qazaqstanğa memlekettik şekaranıñ ötkizu punktteri arqılı sırttan 1 539 744 adam kelgen.

Bügin şetelde turist retinde jürgen 235 qazaqstandıq oralğanı habarlandı. Sonday-aq Almatı qalasınıñ policiya departamenti «infekciya jwqtırğan azamattarmen baylanısta bolğan 798 adam anıqtalıp, medicina mekemesine jetkizilgenin» mälimdedi. Soñğı derekterge qarağanda, äli elge qaytıp ülgermegen 4 mıñday qazaqstandıq älemniñ basqa memleketterinde jür.

Qazaqstanda COVID-19 koronavirus pandemiyası diagnozımen tirkelgen adamdardıñ sanı. Infografika: QT

"The Qazaq Times"