Qarjı narığın retteu jäne damıtu agenttiginiñ basşısı Mädina Äbilqasımova «vedomstvo ekinşi deñgeyli bankter, nesie sub'ektileri jäne «Qazaqstan qarjıgerleriniñ qauımdastığımen» birlese otırıp, TJ kezindegi nesie öteudiñ erekşe tärtibin» wsındı

Anığın aytqanda, 16 naurız ben 15 säuir aralığında, tötenşe jağday rejimi engiziluine baylanıstı tölem uaqıtı keşiktirilgen nesiege eşqanday ayıppwl salınbaydı.

«Birinşiden, Azamattıq kodeksiniñ 359-babına säykes kredit boyınşa mindettemesin orındamağan qarız aluşı ...tötenşe jäne toytaruğa bolmaytın oqiğa bolğan kezde müliktik jauapkerşilik almaytının» aytqan Äbilqasımova – «jeke jäne zañdı twlğalardıñ qarızı men mikrokreditine ...ayıppwl jäne ösimpwl eseptelmeuge tiis», – dep naqtıladı.

Bwl norma jeke jäne zañdı twlğalarğa bankter ğana emes, lombardtardı jäne kredittik seriktestikterdi, sonday-aq qarız beretin barlıq kreditorlardı qosa alğanda, barlıq mikroqarjı wyımdarı bergen qarızdarğa qoldanılatın boladı.

Sonımen qatar «Bankter jäne bank qızmeti turalı» zañnıñ 34-babı 3-tarmağına jäne «Mikroqarjılıq qızmet turalı» zañnıñ 3-babı 6-tarmağına säykes, jeke men şağın-orta käsipkerlerge negizgi borış pen sıyaqını qosa alğanda, tölemder merzimi 90 künge deyin şegeriledi. Bwl jöninde ükimet bastığı Asqar Mamin «Barlıq bankter qarjılıq jağdayı naşarlağan biznes ökilderine tölem merzimin wzartu mümkindigin berui kerek» dedi.

Osılayşa, jeke jäne zañdı twlğalar, käsipkerlerge nesie-qarız jağınan jağday boyınşa «jeñildik» jasaladı.

"The Qazaq Times"