قارجى نارىعىن رەتتەۋ جانە دامىتۋ اگەنتتىگىنىڭ باسشىسى ءمادينا ابىلقاسىموۆا «ۆەدومستۆو ەكىنشى دەڭگەيلى بانكتەر، نەسيە سۋبەكتىلەرى جانە «قازاقستان قارجىگەرلەرىنىڭ قاۋىمداستىعىمەن» بىرلەسە وتىرىپ، تج كەزىندەگى نەسيە وتەۋدىڭ ەرەكشە ءتارتىبىن» ۇسىندى.
انىعىن ايتقاندا، 16 ناۋرىز بەن 15 ءساۋىر ارالىعىندا، توتەنشە جاعداي رەجيمى ەنگىزىلۋىنە بايلانىستى تولەم ۋاقىتى كەشىكتىرىلگەن نەسيەگە ەشقانداي ايىپپۇل سالىنبايدى.
«بىرىنشىدەن، ازاماتتىق كودەكسىنىڭ 359-بابىنا سايكەس كرەديت بويىنشا مىندەتتەمەسىن ورىنداماعان قارىز الۋشى ...توتەنشە جانە تويتارۋعا بولمايتىن وقيعا بولعان كەزدە مۇلىكتىك جاۋاپكەرشىلىك المايتىنىن» ايتقان ابىلقاسىموۆا – «جەكە جانە زاڭدى تۇلعالاردىڭ قارىزى مەن ميكروكرەديتىنە ...ايىپپۇل جانە ءوسىمپۇل ەسەپتەلمەۋگە ءتيىس»، – دەپ ناقتىلادى.
بۇل نورما جەكە جانە زاڭدى تۇلعالارعا بانكتەر عانا ەمەس، لومباردتاردى جانە كرەديتتىك سەرىكتەستىكتەردى، سونداي-اق قارىز بەرەتىن بارلىق كرەديتورلاردى قوسا العاندا، بارلىق ميكروقارجى ۇيىمدارى بەرگەن قارىزدارعا قولدانىلاتىن بولادى.
سونىمەن قاتار «بانكتەر جانە بانك قىزمەتى تۋرالى» زاڭنىڭ 34-بابى 3-تارماعىنا جانە «ميكروقارجىلىق قىزمەت تۋرالى» زاڭنىڭ 3-بابى 6-تارماعىنا سايكەس، جەكە مەن شاعىن-ورتا كاسىپكەرلەرگە نەگىزگى بورىش پەن سىياقىنى قوسا العاندا، تولەمدەر مەرزىمى 90 كۇنگە دەيىن شەگەرىلەدى. بۇل جونىندە ۇكىمەت باستىعى اسقار مامين «بارلىق بانكتەر قارجىلىق جاعدايى ناشارلاعان بيزنەس وكىلدەرىنە تولەم مەرزىمىن ۇزارتۋ مۇمكىندىگىن بەرۋى كەرەك» دەدى.
وسىلايشا، جەكە جانە زاڭدى تۇلعالار، كاسىپكەرلەرگە نەسيە-قارىز جاعىنان جاعداي بويىنشا «جەڭىلدىك» جاسالادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى