Qazaqstan SİM Mwhtar Tileuberdi jäne AQŞ Memlekettik hatşısı Mayk Pompeo. Foto: https://cdn.iz

Qazaqstannıñ sırtqı ister ministri Mwhtar Tileuberdi men AQŞ-tıñ memlekettik hatşısı Mayk Pompeo telefon arqılı söylesti.

SİM baspasöz qızmetiniñ habarlauınşa, taraptar ekijaqtı ıntımaqtastıq pen halıqaralıq wyımdar ayasındağı özara is-qimıl mäselelerin talqılağan.

2 aqpanda Qazaqstanğa memlekettik jwmıs saparımen kelgen AQŞ-tıñ memlekettik hatşısı Mayk Pompeo el biligin Şıñjañdağı azşılıq wlttardıñ qudalanuın taqırıp etken. AQŞ hatşısı sözinde: «Şıñjañdağı jağdayğa kelsek, Qıtay ükimetine de, bügingi sapar barısında Qazaqstan ükimetine de ärkimmen qajetti därejede dwrıs qarım-qatınas jasau kerektigin kütetinimizdi anıq jetkizdik. Al ol jaqta mülde basqa närse bolıp jatır. Qazaqstan Qıtay swrasa da, azamattardı eline qaytarmay, dwrıs istedi. Biz bwğan quanıştımız. Biraq bwl şeşilui tiis mäsele ekenin tüsinemiz. Fundamentaldı negizgi adam qwqıqtarı mañızdı. Bwl quğın-sürgindi dereu toqtatu üşin AQŞ barlıq eldi Beyjiñge qısım jasauğa şaqıradı. Biz Qıtaydan qaşatındardı qauipsiz baspanamen qamtamasız etip, olarğa pana berudi swraymız. Adamşılıq körsetip, dwrıs jasañızdar», – degen bolatın.

"The Qazaq Times"