قازاقستان ءسىم مۇحتار تىلەۋبەردى جانە اقش مەملەكەتتىك حاتشىسى مايك پومپەو. فوتو: https://cdn.iz

قازاقستاننىڭ سىرتقى ىستەر ءمينيسترى مۇحتار تىلەۋبەردى مەن اقش-تىڭ مەملەكەتتىك حاتشىسى مايك پومپەو تەلەفون ارقىلى سويلەستى.

ءسىم ءباسپاسوز قىزمەتىنىڭ حابارلاۋىنشا، تاراپتار ەكىجاقتى ىنتىماقتاستىق پەن حالىقارالىق ۇيىمدار اياسىنداعى ءوزارا ءىس-قيمىل ماسەلەلەرىن تالقىلاعان.

2 اقپاندا قازاقستانعا مەملەكەتتىك جۇمىس ساپارىمەن كەلگەن اقش-تىڭ مەملەكەتتىك حاتشىسى مايك پومپەو ەل بيلىگىن شىڭجاڭداعى ازشىلىق ۇلتتاردىڭ قۋدالانۋىن تاقىرىپ ەتكەن. اقش حاتشىسى سوزىندە: «شىڭجاڭداعى جاعدايعا كەلسەك، قىتاي ۇكىمەتىنە دە، بۇگىنگى ساپار بارىسىندا قازاقستان ۇكىمەتىنە دە اركىممەن قاجەتتى دارەجەدە دۇرىس قارىم-قاتىناس جاساۋ كەرەكتىگىن كۇتەتىنىمىزدى انىق جەتكىزدىك. ال ول جاقتا مۇلدە باسقا نارسە بولىپ جاتىر. قازاقستان قىتاي سۇراسا دا، ازاماتتاردى ەلىنە قايتارماي، دۇرىس ىستەدى. ءبىز بۇعان قۋانىشتىمىز. بىراق بۇل شەشىلۋى ءتيىس ماسەلە ەكەنىن تۇسىنەمىز. فۋندامەنتالدى نەگىزگى ادام قۇقىقتارى ماڭىزدى. بۇل قۋعىن-سۇرگىندى دەرەۋ توقتاتۋ ءۇشىن اقش بارلىق ەلدى بەيجىڭگە قىسىم جاساۋعا شاقىرادى. ءبىز قىتايدان قاشاتىنداردى قاۋىپسىز باسپانامەن قامتاماسىز ەتىپ، ولارعا پانا بەرۋدى سۇرايمىز. ادامشىلىق كورسەتىپ، دۇرىس جاساڭىزدار»، – دەگەن بولاتىن.

"The Qazaq Times"